Ál-Farabi, Saiyn, Shyghys ainalma jolyndaghy jyldamdyq rejimin saqtamaghandargha eskertu jasalady. Búl turaly Almaty qalalyq polisiya Departamenti mәlimdedi.

Býginnen bastap Ál-Farabi, Saiyn, Shyghys ainalma jolyndaghy jol jyldamdyghy saghatyna 80 shaqyrymnan 60 shaqyrymgha týsirildi.

«Búghan sәikes jol belgileri qúzyrly organdarmen birige otyryp ornatyldy. Býgin «Jol qozghalysy qauipsizdigi avtomatty aqparattyq jýiesinin» baptaulary ózgertilip jatyr. Ertennen bastap jol erejesin búzghan jýrgizushilerge túrghylyqty mekenjayy boyynsha eskertu jiberiletin bolady. Búl jýrgizushilerdi ózgeriske ýiretuge qajet shara. Aqparattyq habarlandyru júmystary birneshe ay kóleminde jýrgizilip keledi», - dedi PD Ákimshilik polisiyasy basqarmasynyng bastyghy Jandos Múrataliyev.

Polisiya әlemdik tәjiriybening ozyq ýlgilerin mysalgha keltiredi. London, Niu-York qalalarynda osynday shekteuden song jol apaty kórsetkishi kýrt azayghan.

«Jyl basynan beri Almatyda 4 203 jol apaty bolghan. Onyng basym kópshiligi jyldamdyq 60- 80 km/sagh trassalarda boldy. Ortasha eseppen kýnine 12 jol apaty tirkelgen.  Almatyda byltyr jyl basynan beri 121 adam kóz júmghan. Yaghni, әr ýsh kýn sayyn Almatyda 1 adam kóz júmady. Álemdik tәjiriybede osynday statistikany azaytu ýshin jol qozghalysy jyldamdyghyn azaytu qoldanylady. DDÚ mәlimetinshe, jyldamdyqtyn  5%-gha artuy adamdargha jaraqat keltiretin jol apatynyng 10%-gha, adam ólimine soqtyratyn jol apatyn 20%-gha artyrady.

Odan bólek  sarapshylardyng aituynsha, jyldamdyqtyng azangy jol úzaqtyghyn tek 2 minutqa ghana arttyrady. Eger osy eki minutta bir adamnyng ómirin saqtap qalu mýmkin bolsa, onda búl shekteudi engizgenimiz beker emes»- dedi qalalyq PD-nyng resmy ókili Saltanat Ázirbek.

Derekkóz: QazAqparat

Abai.kz