ءال-فارابي، ساين، شىعىس اينالما جولىنداعى جىلدامدىق رەجىمىن ساقتاماعاندارعا ەسكەرتۋ جاسالادى. بۇل تۋرالى الماتى قالالىق پوليتسيا دەپارتامەنتى مالىمدەدى.

بۇگىننەن باستاپ ءال-فارابي، ساين، شىعىس اينالما جولىنداعى جول جىلدامدىعى ساعاتىنا 80 شاقىرىمنان 60 شاقىرىمعا ءتۇسىرىلدى.

«بۇعان سايكەس جول بەلگىلەرى قۇزىرلى ورگاندارمەن بىرىگە وتىرىپ ورناتىلدى. بۇگىن «جول قوزعالىسى قاۋىپسىزدىگى اۆتوماتتى اقپاراتتىق جۇيەسىنىڭ» باپتاۋلارى وزگەرتىلىپ جاتىر. ەرتەڭنەن باستاپ جول ەرەجەسىن بۇزعان جۇرگىزۋشىلەرگە تۇرعىلىقتى مەكەنجايى بويىنشا ەسكەرتۋ جىبەرىلەتىن بولادى. بۇل جۇرگىزۋشىلەردى وزگەرىسكە ۇيرەتۋگە قاجەت شارا. اقپاراتتىق حابارلاندىرۋ جۇمىستارى بىرنەشە اي كولەمىندە جۇرگىزىلىپ كەلەدى»، - دەدى پد اكىمشىلىك پوليتسياسى باسقارماسىنىڭ باستىعى جاندوس مۇراتاليەۆ.

پوليتسيا الەمدىك تاجىريبەنىڭ وزىق ۇلگىلەرىن مىسالعا كەلتىرەدى. لوندون، نيۋ-يورك قالالارىندا وسىنداي شەكتەۋدەن سوڭ جول اپاتى كورسەتكىشى كۇرت ازايعان.

«جىل باسىنان بەرى الماتىدا 4 203 جول اپاتى بولعان. ونىڭ باسىم كوپشىلىگى جىلدامدىق 60- 80 كم/ساع تراسسالاردا بولدى. ورتاشا ەسەپپەن كۇنىنە 12 جول اپاتى تىركەلگەن.  الماتىدا بىلتىر جىل باسىنان بەرى 121 ادام كوز جۇمعان. ياعني، ءار ءۇش كۇن سايىن الماتىدا 1 ادام كوز جۇمادى. الەمدىك تاجىريبەدە وسىنداي ستاتيستيكانى ازايتۋ ءۇشىن جول قوزعالىسى جىلدامدىعىن ازايتۋ قولدانىلادى. ددۇ مالىمەتىنشە، جىلدامدىقتىڭ  5%-عا ارتۋى ادامدارعا جاراقات كەلتىرەتىن جول اپاتىنىڭ 10%-عا، ادام ولىمىنە سوقتىراتىن جول اپاتىن 20%-عا ارتىرادى.

ودان بولەك  ساراپشىلاردىڭ ايتۋىنشا، جىلدامدىقتىڭ ازايۋى جول ۇزاقتىعىن تەك 2 مينۋتقا عانا ارتتىرادى. ەگەر وسى ەكى مينۋتتا ءبىر ادامنىڭ ءومىرىن ساقتاپ قالۋ مۇمكىن بولسا، وندا بۇل شەكتەۋدى ەنگىزگەنىمىز بەكەر ەمەس»- دەدى قالالىق پد-نىڭ رەسمي وكىلى سالتانات ازىربەك.

دەرەككوز: قازاقپارات

Abai.kz