Parlament Senatynyng Ekonomikalyq sayasat, innovasiyalyq damu jәne kәsipkerlik komiytetining keneytilgen otyrysynda «Euraziyalyq ekonomikalyq odaqta tauarlardy sәikestendiru qúraldarymen tanbalau turaly kelisimdi ratifikasiyalau turaly» zang jobasy qaraldy.

Kelisimge 2018 jylghy 2 aqpanda Euraziyalyq ýkimetaralyq kenesting otyrysynda Almaty qalasynda qol qoyylghan bolatyn.

Kelisimning negizgi maqsaty Euraziyalyq ekonomikalyq odaqta tauarlardyng zandy ainalymyn, tútynushylardyng qúqyqtaryn qorghaudy jәne olardy janylystyratyn әreketterding aldyn aludy qamtamasyz etu ýshin tauarlardy sәikestendiru qúraldarymen tanbalau salasynda kelisilgen, ýilestirilgen sayasat jýrgizu bolyp tabylady.

Qújat tanbalanatyn tauarlardyng ainalymyna baqylaudy jýzege asyru jolymen kólenkeli ekonomikanyng kólemin qysqartugha jәne budjetke salyq týsimderin úlghaytugha baghyttalghan.

Kelisim Euraziyalyq ekonomikalyq komissiya Kenesining sheshimimen tizbesi bekitiletin tanbalanugha jatatyn tauarlardy Euraziyalyq ekonomikalyq odaq shenberinde birizdendirilgen sәikestendiru qúraldarymen tanbalau tәrtibin aiqyndaydy.

Sonymen qatar, Kelisimmen sәikestendiru qúraldarynyng birynghay tizilimin qalyptastyru jәne jýrgizu, Odaqqa mýshe memleketterding Euraziyalyq ekonomikalyq komissiyany tauarlardy tanbalaudy engizu jóninde niyetterining bar ekendigi turaly habardar etu, Odaqqa mýshe memleketterding uәkiletti organdary arasyndaghy aqparattyq ózara is-qimyl tәrtibi, sonday-aq olargha tanbalanugha qoyylatyn talaptar men tanbalau sharttary qoldanylmaytyn tauarlar reglamentteledi.

Kelisim ayasynda Odaqqa mýshe memleketterding úsynystary, tauarlardy tanbalaudy engizuding oryndylyghyn taldaudyn, biznes jýrgizu jaghdayyna tanbalau engizuding әseri, tanbalaudyng tehnologiyalyq mýmkindikteri boluy turaly aqparattyn, sonday-aq tauarlargha qatysty olardyng ainalymyna baqylaudyng ózge jýiesining júmys isteytindigi turaly aqparattyng negizinde Komissiya Kenesi tauarlardy tanbalaudy engizu turaly sheshimdi qabyldaydy.

Otyrysta sonday-aq, «2014 jylghy 29 mamyrdaghy Euraziyalyq ekonomikalyq odaq turaly shartqa ózgeris engizu turaly hattamany ratifikasiyalau turaly» zang jobasy qaraldy.

Osy Hattamagha Euraziyalyq ekonomikalyq odaqqa mýshe memleketterding basshylary 2018 jylghy 15 nauryzda Mәskeu qalasynda qol qoydy.

Hattamanyng maqsaty 2014 jylghy 29 mamyrdaghy Euraziyalyq ekonomikalyq odaq turaly sharttyng 10-babynyng 2-tarmaghyna Joghary kenesting qúramyna mýshe memleketting basshysy ghana emes, sonymen birge óz memleketining zannamasyna sәikes Joghary kenesting qúzyretine kiretin mәseleler jóninde sheshimderdi qabyldau ókilettikteri berilgen mýshe memleketting ýkimet basshysyn qosu mýmkindigin belgileu bóliginde ózgeris engizu bolyp tabylady.

EAEO turaly shartqa ózgeris engizu qajettigi Armeniya Respublikasyndaghy konstitusiyalyq ózgeristerge baylanysty, olargha sәikes Armeniya Respublikasy 2018 jylghy sәuirden bastap Armeniya Respublikasy Preziydentining syrtqy sayasat salasyndaghy negizgi ókilettikterin Armeniya Respublikasynyng Ýkimeti men Premier-Ministrine berudi kózdeytin parlamenttik basqaru nysanyna tolyghymen kóshken bolatyn.

Qújattar Palatanyng qarauyna berildi.

Qazaqstan Respublikasy Parlamenti
Senatynyng baspasóz qyzmeti

Abai.kz