Qazaq erikkennen vremyankada túryp jatyr ma?
![](https://abai.kz/content/uploads/2019/02/ty.jpg)
Vremyankada túrugha tyiym saluy mýmkin deydi. Da nu. Qay geniy oilap tapty myna bastamany. Nobelige súranyp-aq túr eken. "Áleumettik mәseleni sheshuding marqasqasy" degen ataq berse de bolady.
Aynalayyndar! Qazaq erikkennen vremyankada túryp jatyr ma? Óz erkimen peshi de, ashanasy men jatyn bólmesi de birge salynghan ayaday ghana lashyqta otyr ma? Ómirding jaqsylyghynan sol vremyankada iyis tiyip qyrylyp jatyr ma? Joq! Barlyghy da joqshylyqtyn, tapshylyqtyn, kedeyshilikting kesiri.
Astanadaghy bes qyzdyng órtenip óluine vremyanka kinәli emes, әleumettik jaghdaydyng nasharlyghy sebepker. Aqshasy bar bolsa, qaghanaghy qaq, saghanaghy saq bolsa, bes perishtesin bes bólmeli ýige otyrghyzar edi ghoy bayghús ata-ana. Bes qyzynyng búrymyn órip, ómirden lәzzat alyp otyrar edi...
Mәseleni sheshude ýnemi syrttay kýldirip, ishtey kýiindiretin sheshim qabyldau qashan toqtaydy. Al jaqsy. Vremyankagha túrugha tyiym salyndar, sonda basqa qayda túrady?! Kóbining jaghdayy pәter jaldap túrugha jetpeydi. Vremyankada túratyn qazaqtyng kóbisi aiyna 50 myng tabys tabady. Ákesi men sheshesi qosarlasa tapqan 100 myndy pәterge berse, tamaqty qay qarajatqa satyp alady? Jazda topyraq, qysta qar jeydi ma әlde?! Kiyimdi qay aqshagha kiyedi? Japyraq jabystyryp jýre ma?! Auyrsa dәrini nege alady? Álde óle bersin be?!
Qazaqtyng vremyankada túrghanyn qalamaysyzdar ma? Bәrekeldi. Mende qalamaymyn. Onda әr qazaq pәter alugha mýmkindigi tuatyn әleumettik reforma jasandar. Ár qazaqtyng resursty naqty әri shynayy bólgende kottedjde túrugha jaghdayy keler edi. Biraq ókinishke oray "Altyn balyq" ertegisindey az qazaq sarayda, kóp qazaq lashyqta túryp jatyr.
Mәseleni shynayy sheshudi bastayyq. Vremyankada túrugha tyiym salu sheshim emes. Odan iyis tiyip qyrylatyn qazaq azaymaydy. Kerisinshe biylikke narazy búqara sany artady. Odanda naqty әleumettik baghdarlamalar úsynyndar. Ayyna bәlenbay myng dollar alatyn menedjerler, әleumettanushylar, kenesshiler úsynsyn.
Ashat Qasenghalidyng facebook paraqshasynan
Abai.kz