استاناداعى بەس قىزدىڭ ورتەنىپ ولۋىنە ۆرەميانكا كىنالى ەمەس، الەۋمەتتىك جاعدايدىڭ ناشارلىعى سەبەپكەر. اقشاسى بار بولسا، قاعاناعى قاق، ساعاناعى ساق بولسا، بەس پەرىشتەسىن بەس بولمەلى ۇيگە وتىرعىزار ەدى عوي بايعۇس اتا-انا. بەس قىزىنىڭ بۇرىمىن ءورىپ، ومىردەن ءلاززات الىپ وتىرار ەدى...

ماسەلەنى شەشۋدە ۇنەمى سىرتتاي كۇلدىرىپ، ىشتەي كۇيىندىرەتىن شەشىم قابىلداۋ قاشان توقتايدى. ال جاقسى. ۆرەميانكاعا تۇرۋعا تىيىم سالىڭدار، سوندا باسقا قايدا تۇرادى؟! كوبىنىڭ جاعدايى پاتەر جالداپ تۇرۋعا جەتپەيدى. ۆرەميانكادا تۇراتىن قازاقتىڭ كوبىسى ايىنا 50 مىڭ تابىس تابادى. اكەسى مەن شەشەسى قوسارلاسا تاپقان 100 مىڭدى پاتەرگە بەرسە، تاماقتى قاي قاراجاتقا ساتىپ الادى؟ جازدا توپىراق، قىستا قار جەيدى ما الدە؟! كيىمدى قاي اقشاعا كيەدى؟ جاپىراق جابىستىرىپ جۇرە ما؟! اۋىرسا ءدارىنى نەگە الادى؟ الدە ولە بەرسىن بە؟!

قازاقتىڭ ۆرەميانكادا تۇرعانىن قالامايسىزدار ما؟ بارەكەلدى. مەندە قالامايمىن. وندا ءار قازاق پاتەر الۋعا مۇمكىندىگى تۋاتىن الەۋمەتتىك رەفورما جاساڭدار. ءار قازاقتىڭ رەسۋرستى ناقتى ءارى شىنايى بولگەندە كوتتەدجدە تۇرۋعا جاعدايى كەلەر ەدى. بىراق وكىنىشكە وراي "التىن بالىق" ەرتەگىسىندەي از قازاق سارايدا، كوپ قازاق لاشىقتا تۇرىپ جاتىر.

ماسەلەنى شىنايى شەشۋدى باستايىق. ۆرەميانكادا تۇرۋعا تىيىم سالۋ شەشىم ەمەس. ودان ءيىس ءتيىپ قىرىلاتىن قازاق ازايمايدى. كەرىسىنشە بيلىككە نارازى بۇقارا سانى ارتادى. وداندا ناقتى الەۋمەتتىك باعدارلامالار ۇسىنىڭدار. ايىنا بالەنباي مىڭ دوللار الاتىن مەنەدجەرلەر، الەۋمەتتانۋشىلار، كەڭەسشىلەر ۇسىنسىن.

اسحات قاسەنعاليدىڭ facebook پاراقشاسىنان

Abai.kz