Preziydent N.Nazarbaevtyng “Preziydentting bes әleumettik bastamasy” atty halyqqa ýndeuining ýshinshi baghyty - «Joghary bilim aludyng qoljetimdiligi men sapasyn arttyryp, student jastardyng jataqhanadaghy jaghdayyn jaqsartu» dep atalady.

Preziydent búl bastamany jýzege asyru ýshin - jyl sayyn bólinetin 54 myng grantqa qosymsha 2018-2019 oqu jylynda taghy 20 myng grant bólu kerektigin aitty. Onyng 11 myny tehnikalyq mamandyqtar boyynsha bakalavrlyq bilim beruge tiyesili bolady.

Yaghni, injenerler, aqparattyq tehnologiya, robot tehnikasy, nanotehnologiya salasynyng bolashaq mamandaryna ýlken mýmkindikter jasalmaq.

Sonymen qatar, memleket basshysy tehnikalyq jәne auyl sharuashylyghy mamandyqtary boyynsha barlyq joghary oqu oryndary granttarynyng qúnyn últtyq joghary oqu oryndarynyng granttary dengeyine deyin kóteru turaly aitqan bolatyn.

Atalghan sharalar orta mektep týlekterin joghary bilimmen neghúrlym kóbirek qamtugha mýmkindik beredi, búl – jalpy әlemdik trend.

Sonday-aq, N.Nazarbaev studentterdi jataqhanamen qamtamasyz etu ýshin olargha arnap keminde 75 myng oryndyq jana jataqhana saludy tapsyrdy. Búl aldaghy jyldarda óse týsetin súranysty eskergenning ózinde jataqhana tapshylyghyn birjola sheshedi.

Preziydentting osy tapsyrmasyna sәikes, tehnikalyq bilim beruden respublika kólemine tanymal oqu ordasy – Qaraghandy memlekettik tehnikalyq uniyversiyteti birqatar sharalardy qolgha alghan. Býginde búl oqu ordasynda 12 mynnan astam student bilim alady. Onyng jartysyna juyghy memlekettik bilim granttarynyng iyegerleri. Biylghy oqu jylynda 1992 grant bólingen.

Byltyrghy jylmen salystyrghanda 270 týlek memlekettik bilim granty negizinde oqugha mýmkindik alghan. Al, jalpy bilim granttarynyng sany jyl sayyn artyp kele jatqan kórinedi.

Búl oqu ornynyng QS World University Ranking uniyversiytetter arasyndaghy bedeldi әlemdik TOP-751+ reytingisine, sonday-aq, RankPro uniyversiytetterding kәsiby TOP600 reytingisine engen. Býginde múnda  «Industriya 4.0», «Sifrlyq mashina jasau», «Metallurgiyadaghy nanotehnologiyalar» jәne «Bioinjeneriya» ortalyqtary men jana IT synyptary ashylghan. Sifrlyq óndiristi qolgha alghan aimaqtyng innovasiyalyq kәsiporyndarymen birlesip bәsekege qabiletti mamandardy dayarlaydy.

Sonday-aq, ónirde «Núr Otan» partiyasy Qaraghandy oblysy boyynsha filialynyng bastamasymen jer-jerlerde IT synyptary kóptep ashylyp jatqan kórinedi. Búl da bolsa jas buynnyng tehnikalyq baghytqa býiregining búryp túruyna septigin tiygizetini sózsiz.

Jataqhanamen qamtylu qanday dengeyde?

Bastama kótergen jәne bir ózekti mәsele – student jastardy jataqhanamen qamtamasyz etu. Búl orayda Elbasy «2022 jyldyng sonyna deyin studentterge arnap keminde 75 myng oryndyq jana jataqhana saludy tapsyramyn» dep naqty kórsetti.

Qaraghandy memlekettik tehnikalyq uniyversiyteti búl mindetti oryndau ýshin kelesi jyly 400 oryndyq jana jataqhananyng qúrylysy bastamaq. Lenin kóshesi 67 meken-jayy boyynsha ornalasatyn jana ghimarat 1126,42 sharshy metrdi qúraydy dep josparlanuda.

Múnymen qosa, Qaraghandy memlekettik medisina uniyversiyteti eki jataqhana qúrylysyn josparlap otyr. Árqaysy 500 adamgha shaqtalghan jataqhanalardyng ornalasatyn jeri aiqyldalyp, qajetti qújattamasy dayyndalu ýsinde. Atalmysh oqu ornyndaghy 8 myng studentting 6 mynnan astamy basqa ónirlerden kelgender men sheteldikter. Sondyqtan, jana jataqhanalargha súranys joghary. Sonday-aq, Qarqaraly auyl sharuashylyghy kolledjinde 100 oryndyq jataqhana qúrylysy kelesi jyly bastalmaq.

Oblystyq mәslihattyng deputattary da atalmysh mәseleni jiti qadaghalauda. Birneshe mәrte otyrys ótkizip, jastardy jataqhanamen qamtu mәselesin kóterdi. Sonda aitylghan mәlimetter boyynsha jyl basynda oblystaghy 9 joghary oqu ornynda 27 497 student kýndizgi bólimde bilim alady. Olardyng 70 payyzgha juyghy, yaghni, 19172-si basqa ónirlerden kelgen jastar. 26 jataqhanada 9 mynnan astam student túryp jatyr, al, joghary oqu orny jataqhanalaryndaghy jastar 8 mynnan asyp jyghylady. Pәter jaldap nemese tuystaryn panalap jýrgen studentter 22 payyzdy qúraydy, yaghni, 4180 adam. Deputattar әli de 2 myngha juyq studentting jataqhanagha múqtajdyghyn anyqtap otyr.

Memleket úsynghan mýmkindikterdi qordalanghan mәselelerding sheshimin tabugha tiyimdi paydalana bilu manyzdy. Jergilikti atqarushy biylik osyny anyq sezinip, bastamanyng bayandy boluyna enbek qylsa deymiz.

Jansaya Omarbekova

Abai.kz