Birikken Últtar Úiymynyng lankestikke qarsy kýres jәne adam qúqyqtary men bostandyqtaryn qorghau jónindegi arnayy bayandamashysy Fionnula Ny Aoleyn Qazaqstandaghy internet jelisining “auqymdy týrde búghattaluyna” alandaushylyq bildirdi dep habarlaydy Ortalyq Aziya janalyqtar qyzmeti.

Júma kýni Núr-Súltan qalasynda ótken brifingte BÚÚ hatshysy óz komandasynyng mýsheleri Qazaqstandaghy internetke kiru mәselesine kuә bolghanyn aitqan.

- Búqaralyq sayttar men strim – servister jappay búghattaldy.  Demek, múnda proporsionaldy kózqarastar boyynsha mәseleler bar. Biraq, bizding týsingenimiz, múnyng barlyghy da qauipsizdikti qamtamasyz etu ýshin jasalghan. Beybit jiyndar men sóz bostandyghy dýniyejýzilik úiymdarmen qorghalady. Biraq, qauipsizdikti syltau etip, adamdardyng beybit jinaluyna, pikirin ashyq bildiruine shekteu qoi bizdi alandatady, - dedi ol.

Aqparat jәne qoghamdyq damu ministri Dәuren Abaev internetting búghattaluyna ministrlikting qatysy joq ekenin aitqan.

Al, sifrlyq damu, qorghanys jәne aerogharysh ónerkәsibi ministri Asqar Júmaghaliyev mәjilis otyrysynda internetting búghattaluyna qatysty súraq týspegenin aitty.

Ayta keteyik, 9-mamyr kýni Qazaqstanda birneshe sayttar ashylmady. Kópshilik әleumettik jelilerge kire almady. Al, qazaqstandyq polisiyanyng kezekshilik tәrtibi әdettegiden kýsheytilgen rejimge auysty. 8 mamyrda Bas prokuratura Qazaqstan azamattaryn rúqsat etilmegen narazylyq aksiyalaryna qatyspau turaly eskertu jasady.

Abai.kz