Qyzylorda qalasynda túrmysy tómen kópbalaly otbasylargha arnalghan 100 baspana paydalanugha berildi. 

Birer ay búryn oblys ortalyghyndaghy «Bәiterek» shaghyn audanynda túrmysy tómen kópbalaly otbasylar ýshin 150 baspananyng qúrylysy bastalghan bolatyn. Onyng ishinde 50 pәter jergilikti qazynadan bólingen qarjygha salynuda. Al 100 baspananyng qúrylysy «Bolat Ótemúratov» qayyrymdylyq qorynyng qarjysy esebinen jýrgizildi. Sol 100 pәter qysqa merzimde salynyp, el iygiligine paydalanugha berilgeli otyr. Sondyqtan, býgin múnda jinalghan halyqtyng qarasy qalyng boldy. Jana mekenning alghashqy qonystanushylary – kópbalaly otbasylar, olardyng quanyshyna ortaqtasugha kelgen el azamattary, qala túrghyndary keldi. Shanyraq shattyghyna bólengeli otyrghandargha ónir ónerpazdary da merekelik kónil-kýy syilady.

Saltanatty jiyngha oblys әkimi Qyrymbek Kósherbaev pen «Bolat Ótemúratov» qayyrymdylyq qory Qamqorshylyq kenesining tóraghasy Almas Sharman qatysyp, qonystoy iyelerin qúttyqtady.

«Songhy jyldary Syr óniri qarqyndy qúrylys alanyna ainalyp kele jatyr. 2013 jyly 230 myng sharshy metr baspana salynsa, biylghy mejemiz 800 myng sharshy metrge jetip otyr. Tórt esege ósken. Qogham qayratkeri Bolat Ótemúratovtyng qarjylyq demeushiligimen «Balameken» jobasy ayasynda Qyzylorda qalasynda az qamtamasyz etilgen kóp balaly otbasylardy qoldau maqsatynda jәne balalardy qorghau merekesi qarsanynda 100 pәterding qúrylysy rekordtyq eki ay merzimde salynyp, paydalanugha berildi. Qosymsha oblystyq budjetten 50 pәterge qarjy bólinip, qúrylysy jýrude. Olar da tolyqqandy mausym aiynda iske qosylady. Ayta ketu kerek, túrghyn ýy qúrylysyn damytu maqsatynda songhy 6 jyl ishinde Qyzylorda qalasynyng ózinde 15 shaghyn audan payda boldy. Jana audannyng qúrylysyna kiristik. Qyzylorda tarihynda múnday qarqyndy qúrylys bolghan emes. 2019 jyldyng sonyna qaray Qyzylordanyng sol jaghalauynda 2 628 pәterlik 13 kópqabatty túrghyn ýy salyp, oghan 13 myng adamdy qonystandyrudy josparlap otyrmyz. Elbasynyng 2018 jyldyng qantaryndaghy joldauyna oray, bolashaqta bir adamdy 30 sharshy metr baspanamen qamtamasyz etu josparymyzda bar», – dedi Qyrymbek Kósherbaev. 

«Bәiterek» shaghyn audanynda paydalanugha berilgeli otyrghan baspanalardyng jalpy audany – 6 500 sharshy metr.

Oblys әkimining aituynsha, salynyp jatqan 150 baspananyng 149-yna kópbalaly otbasylar qonystanady. 1-euine shaghyn halyq qyzmet kórsetu ortalyghy ornalaspaq. Ol kópbalaly otbasylargha jәne osyndaghy jeke ýilerge qyzmet kórsetedi. Sonymen qatar, aimaq basshysy aldaghy jyly «Bәiterek» shaghyn audanyna mektep pen balabaqsha qúrylysyn saludy jospargha engizetinin aityp, túrghyndardy quantyp qoydy.

«Búdan bólek, Qyzylorda oblysynda az qamtylghan kópbalaly otbasylargha 431 pәterding qúrylysyna budjetten qarjy bólinipti. Jyldyng sonyna deyin 588 pәter kópbalaly otbasylargha beriletin bolady», – dedi oblys әkimi. 

«Bolat Ótemúratov» qory Qamqorshylyq kenesining tóraghasy Almas Tóregeldiúlynyng aituynsha, memleket tarapynan ghana emes, biznes ókilderi tarapynan da halyqtyng әljuaz toptaryna qoldau kórsetilude. Sonyng bir dәleli – «Bolat Ótemúratov» qorynyng elding әl-auqatyn artyru baghytynda atqaryp otyrghan júmystary.

«5 jyl búryn irgesi qalanghannan beri osy baghytta júmysyn ýzdiksiz jalghastyryp keledi. Qordyng qúryltayshysy Bolat Ótemúratov óz tarapynan kópbalaly otbasylardy baspanamen qamtamasyz etuge óz ýlesin qosudy úighardy. Bizding qorymyz 450 million tenge kóleminde qarajat bólip, Qyzylorda oblysy әkimdigimen birge nauryz aiynda «Balameken» jobasyn iske asyrugha kiristi. Býginde josparymyz tabysty bolghanynyng kuәsi bolyp otyrmyz. Sol sebepti, kópbalaly analar, balalar jayly baspananyng iyesi bolatynyn erekshe tebirenispen, ýlken quanyshpyn aitqym keledi», – dedi Almas Sharman. 

Búdan keyin el azamattary kópbalaly otbasylargha pәter kiltterin saltanatty týrde tabystady. Baspanagha birinshi kezekte qol jetkizgender – 10, 9, 8, 7 balasy bar otbasylar. Deputattar men qogham belsendilerinen qúralghan tәuelsiz komissiya osynday sheshim qabyldapty.

Mәselen, jana pәter alghan Aygýl Abaydullaeva – 10 balanyng anasy. Baspanaly bolsam degen armany oryndalghany sene alar emes. Tipti kóz jasyna erik berdi.

«Qatty quanyp túrmyn. Shiyittey bala-shagha bar. Solardyng nesibesi dep bilemin. Ramazan aiynda osynday syy nәsip etti», – deydi ol.
Al 7 balanyng anasy Vera Jýsipova pәter jaldap, kóship-qonyp jýretin kýnder artta qaldy dep otyr.

«Jaryq, su, gaz, jol, telefon baylanys – bәri bar mynda. Rizamyz. Jalpy, otbasymnyng túrmys jaghdayymen әkimshiliktegi adamdar tanys. Baspanagha múqtaj ekenimizdi de biledi. Keshe ýy beremiz dep habarlasqanda quanyp kettim. Tuystaryma aityp, sýiinshi súrap, mәz bolystyq», – deydi kópbalaly ana. 

7 balanyng anasy Izimkýl Túrsanova da quanyshynda shek joq ekenin aitady.

«Balameken» degen jobanyng arqasynda kóp jyl kýtken pәterimizdi aldyq. Endi osy jer balalar mekenine ainalady dep oilaymyn. Elbasyna, oblys basshylyghyna osynday qamqorlyq kórsetip jatqanyna alghys aitamyn», – dedi Izimkýl Túrsanova.

Abai.kz