Tergeu mәlimetine qaraghanda, Hamzulinov ózderin Islam memleketi dep ataytyn terrorlyq toptyng qyzmetine qatysqan. Basylymnyng jazuynsha, sottalghan azamat Qazaqstangha jetken boyda uaqytsha ústau abaqtysyna qamalyp, ýstinen terroristik toptyng әreketine qatysu babymen is qozghalghan.
Sudiya Naylya Jýnisova «Hamzulinov jazasyn jalpy rejimdegi týrmede óteydi. Búl – osy baptaghy eng jenil jaza» dedi. «19 jastaghy jigitke osynday ýkim kesudi jaryssóz kezinde prokuror da súrap edi» dep jazady «Uraliskaya nedelya».
Basylym sottalghan azamattyng tuystary sot ýkimimen kelispegenderin jazady. Tuystary Hamzulinovke Qylmystyq kodeksting Terroristik nemese ekstremistik dayarlyqtan ótu babymen jaza kesudi súraghan. Hamzulinovting әpkesi Sәule Kuriyan «Abay eshbir teraktini úiymdastyrugha qatyspady. Tergeu mәlimetterinde onyng Siriyadaghy әskery lageride bolghany ghana aitylady. Ony lagerige barugha mәjbýrledi. Onyng dayyndyqtan ótkeni ras, biraq Abay teraktilerge qatyspady» deydi.
Sottalghan azamattyng tuystary sot sheshimine apellyasiyalyq shaghym týsirmek.
Gazet «Hamzulinovti ata-anasy Týrkiyagha 15 jasynda әketken. Olardyng Siriyagha ketuine әkesining diny kózqarasy sebep boldy. Hamzulinovting әkesi júbayy men qyzyn Týrkiyada qaldyryp, úlymen birge Siriya shekarasyna ótken. 16 jasqa tolghanda Abaydy balalargha arnalghan әskery dayarlyq lagerine әketedi. Bir jyldan song Abay ol jerden qashyp, kýrdterding qolyna týsken» dep jazady.
Qazir Hamzulinovting otbasy mýsheleri týgel Qazaqstanda túrady. Qamauda otyrghan әkesining ýstinen terrorizm men ekstremizm baby boyynsha is qozghalghan.
Ýsh kezenmen jýrgizilgen «Jusan» operasiyasy barysynda Siriyadan Qazaqstangha 516 adam jetkizilgen, olardyng 360-y - bala. Búghan deyin biylik elge janadan oralghandardyng biraz uaqyt onaltu ortalyghynda bolatynyn habarlaghan. Qazaqstan syrtqy ister ministrligi Siriyadan oralghan 20 qazaqstandyq terrorlyq is-әreketterge qatysy boluy mýmkin degen kýdikpen ústalghanyn mәlimdegen.
Resmy derek boyynsha, Siriya men Irakta soghys bastalghaly Tayau Shyghysqa 800-ge tarta qazaqstandyq ketken.
Abai.kz
