Sonymen, 2007 jyldan bastap elimizdegi qorghanys salasyn shensiz basqarghan sheneunik Danial Ahmetov qyzmetinen bosap, otstavkagha ketti.  Qorghanys salasyndaghy shúghyl qabyldanghan auys-týiis turaly  Qazaqstan preziydentining baspasóz qyzmeti qysqasha mynanday aqparat berdi:  «Memleket Basshysynyng Ókimimen Qazaqstan Respublikasy Qorghanys ministrining birinshi orynbasary – Shtab bastyqtary komiytetining tóraghasy Múhtar Qapashúly Altynbaevqa Qazaqstan Respublikasy Qorghanys ministrining mindetin uaqytsha atqaru jýkteldi.

Danial Ahmetov Qazaqstanda әskery sheni joq alghashqy qorghanys ministri boldy. Ol búl qyzmetke 2007 jyly qantarda premier-ministr qyzmetinen bosatylghannan keyin taghayyndalghan edi. Eks-ministrdin  búrynghy  orynbasary, general-leytenant Qajymúrat Maermanov ÚQK tergeu abaqtysynda sybaylasqan jemqorlyqqa qatysty is boyynsha otyr. Tek Maermanov qana emes, Daniyal Kenjetayúlynyn  ainalasyndaghy әskery lauazym iyelerining bir qanshasy jemqorlyq әreketterining әshkere boluyna baylanysty isti bolyp jatyr.  

Áytkenmende, keshege deyin «jabyq taqyryp» bolyp kelgen әskery salagha qatysty jariyalanymnyng barlyghy bas barmaqty qayqaytyp kórsetetindey edi. Mysaly «naghyz jigitterge arnalghan»  «Sarbaz» gazetining 2007 jyldyng qazan aiyndaghy bir sanynda bylay dep jazylypty:  «Qazaqstan Respublikasynyng Qorghanys ministri Danial Ahmetov ótken qyrkýiek aiynda Almaty qalasynda shoghyrlanghan joghary әskery oqu oryndarynda sóilegen sózinde... “Respublikamyzdyng әskery bilim beru jýiesi býgingi kýnning talaptaryna tolyq say emes. Túralap qalghan әskery bilim beru jýiesin әlemdik standart dengeyine kóteruimiz ýshin reforma júmystaryn týbegeyli týrde janasha jýrgizuimiz qajet. Joghary әskery bilim oryndarynyng materialdyq-tehnikalyq oqu bazalaryn jaqsartyp, ústazdar men pedagog-ghalymdardyng biliktiligin jetildiru maqsatynda bólinetin qarjy kólemi de eselene týsedi...” – dep joghary әskery oqu oryndarynyng jana basshylaryn újymdaryna tanystyrghan bolatyn».
Múnaydyng baghasy shamadan tys sharyqtap ósip Qazaqstan «qara altynnyn» yryzdyghyn kóre qalghan tústa premier-ministrding túghyryna tu baylaghan Danial Kenjetayúly shamasy piar mәselesin myqtap týsinip alsa kerek, Qorghanys ministri qyzmetinde de ol әrkez jaqsy jaghynan jarnamalanyp jýrdi. Alayda, qarjy daghdarysy men korrupsiyagha qarsy Qazaqstandaghy «bitispes» maydannyng salqyny ony da orap әketti. Osy uaqytqa deyin baspasóz kótergen jayttardyng birine qúlaq aspaghan joghary biylik aqyrynda Ahmetovke senip tapsyrylghan, bәlkim, qimastyqpen syilay salghan salany jaylaghan bylyqqa da nazar audarypty. Sonda deymiz-au, qarjy daghdarysynyng qara dauyly túrmasa qazynany tonaghandar bútyna tolyp jýre bermek pe edi?..  Teginde, beynelep aitsaq, dauyldyng soqqany da jaqsy... jer ana qoqystan bir tazaryp qalady. Qazaqstan da sol qarjy daghdarysynyng dauyly órshigen myna zamanda óz ishindegi qu ayaqtardan bir arylyp qalatyn siyaqty. Biraq, iship-jeuge ebi bardyng bәrine ynghayly býgingi jýiening jilik mayyn shaqqandar bәribir korrupsiyamen kýresti korrupsiyanyng jenisine jyghyp salyp otyra bereri dausyz. IYә, búl joly әskeriylerding ortasynda shen taghyp ýlgermegen sheneunik qyzmetinen bosady. Ol tipti naghyz úrystyng qanday bolatynan da bilmey «qyrshyn» ketti. Keshege deyin qolyna dúrystap tapansha ústamaghan ol endi qanday qyzmetting qúlaghyn ústar eken? Ústau bylay túrsyn, ózining ústalyp ketui de ghajap emes.

«Abay-inform».