Qasym-Jomart Toqaev Qaraghandyda elimizding industriyalyq-innovasiyalyq damuy jóninde kenes ótkizdi.

Jiyndy ashqan Memleket basshysy Qazaqstangha jahandyq, әsirese ónirlik naryqta tabysty bәsekege qabiletti, quatty әri tehnologiyalyq túrghydan progressivti ónerkәsip qajet ekenin atap ótti.

«Biz әlemdik koniunkturanyng nasharlaghan jaghdayynda bәsekening artqanyn, sauda qaqtyghystarynyng shiyeleniskenin, jalpy jahandyq qarama-qayshylyqtardy baqylap otyrmyz. Biz kórip otyrghanday, әlem bir ornynda túrmaydy. Sondyqtan, biz uaqyttan qalyp qoymauymyz qajet», – dedi Qasym-Jomart Toqaev.

Preziydent memlekettik organdar men biznes ókilderi kezdesuining maqsaty ekonomikadaghy qúrylymdyq ózgeristerdi tabysty iske asyru ýshin sheshuge tiyisti mәselelerdi talqylau ekenin aitty.

«Industriyalandyru jyldary tartylghan investisiya kólemi 8 trillion tenge bolatyn 1 250 jana ónerkәsip oryndary payda boldy. 120 myng jana júmys oryndary ashylghan. Qazaqstanda búryn óndirilmegen 500-den astam jana ónim týrlerin shygharu jolgha qoyyldy» dep, Memleket basshysy atqarylghan júmystardyng qorytyndysyn shyghardy.

Sonymen qatar, Qasym-Jomart Toqaevtyng baghalauy boyynsha ekonomika qúrylymynda týbegeyli ózgeris bayqalmaydy. 10 jyldan astam uaqyt boyy jalpy ishki ónimdegi óndeu ónerkәsibining ýlesi 11 payyzdyng ainalasynda. 2015-2018 jyldar aralyghynda enbek ónimdiligining ósimi josparlanghan 12 payyzdyng ornyna 4 payyzgha ghana jetti.

Osyghan baylanysty Preziydent Ýkimet pen әkimdikterding sheshui tiyis birqatar mindetterdi atap ótti.

Birinshi baghyt – dayyn ónim eksportyn belsendi damytu. Bayandamada atap ótilgendey, songhy 3 jyl ishinde eksporttyng jalpy qúrylymynda óndeu sektorynyng ýlesi 34 payyzdan 8 payyzgha, yaghny 2016-2018 jyldary 26 payyzgha deyin tómendegen. Qazaqstan óndeu ónerkәsibining 180-ge juyq tauar týrlerin eksporttaydy. Búl kórsetkish Reseyde – 358, Belarusite – 690, Qytayda – 1400, Ekonomikalyq yntymaqtastyq jәne damu úiymy elderi boyynsha ortasha kórsetkish – 1950.

Memleket basshysy otandyq óndirushilerding syrtqy naryqqa shyghuyna serpin beretin birqatar naqty sharalardy úsyndy. Onyng aituynsha, perspektivti eksport naryqtaryna taldau jasau, osy naryqtargha shyghu ýshin kedendik salyqtardy, tariftik jәne basqa da talaptardy zertteu, tiyimdi kólik-logistikalyq sheshimderdi anyqtau qajet.

Nazar audaratyn taghy bir manyzdy sala – sapaly marketing. Qasym-Jomart Toqaev atap ótkendey, jalpymemlekettik brend, al onyng bazasynda investisiyalyq, turistik jәne salalyq brendter qalyptastyru jónindegi tapsyrma әli oryndalmaghan. Preziydentting aituynsha, múnday ahual otandyq ónim ýshin shatyrly brendterdi qalyptastyruda da bayqalady.

Memleket basshysy Ýkimetke brend qalyptastyru jónindegi júmystardy ayaqtaugha eki ay uaqyt berdi.

Ekinshi baghyt – «qarapayym zattar ekonomikasyn» damytu. «Elimizde biz maqtan tútatyn kóptegen tauar óndiristeri bar», – dep sanaydy Qasym-Jomart Toqaev.

Otandyq óndirushilerdi qoldaugha bólingen maqsatty 600 milliard tenge burokratiyalyq problemalargha baylanysty tiyisti adresatyna jetpegen.

«Maghan bayandalghanday, 16 tamyzdaghy jaghday boyynsha jalpy qúny 62,3 milliard tengeni qúraytyn 148 joba ghana maqúldanghan», – dedi Preziydent.

Qazaqstan Preziydenti memleket retteytin satyp alulardyng jaghdayyn syngha alyp, jyl sayyn múnyng kólemi 10 trillion tengeden asatynyn atap ótti. «Búl rette, Qazaqstannyng ýlesi 34 payyzdy qúrap otyr. Búl dúrys emes. Biz onyng ýlesin әldeqayda arttyra alamyz», – dedi Qasym-Jomart Toqaev.

Memleket basshysy sóilegen sózinde investisiya salasyndaghy ahualgha jan-jaqty taldau jasady. Atap aitqanda, Qazaqstan Preziydenti erkin ekonomikalyq jәne industriyalyq aimaqtar «investisiya tartu oryndaryna» tolyqtay ainala almaghanyn atap ótti.

Sonymen qatar Preziydent joghary qayta jasau óndirisinin, industriya 4.0 elementteri men innovasiyany damytudyn, industriyalandyrugha qoldau kórsetu qúraldarynyng tiyimdiligin arttyrudyng perspektivalaryna toqtaldy.

«Jana ekonomikany qúru bazalyq salalardy innovasiyalyq jәne ghylymiy-tehnikalyq túrghydan ilgeriletuge, sonday-aq «bolashaq ekonomikasynyn» salalaryn damytugha negizdeluge tiyis», – dedi Memleket basshysy.

Jiyn barysynda Industriya jәne infraqúrylymdyq damu ministri Roman Sklyar, «Samúryq-Qazyna» ÚÁQ» AQ basqarmasynyng tóraghasy Ahmetjan Esimov, «Evrazian Fuds» AQ basqarmasynyng tóraghasy Oleg Vinokurov, Qaraghandy oblysy Kәsipkerler palatasynyng ónirlik kenesi janyndaghy jenil ónerkәsip komiytetining tóraghasy Andrey Shmariyn, «Azala cotton» JShS bas diyrektory Bauyrjan Jamalov, «Zerde» JShS bas diyrektory Múhtar Biytemirov, «Almaty ventilyat zauyty» JShS bas diyrektory Marat Baqqúlov, «Qazenergokabeli» AQ bas diyrektory Vladimir Bobrov sóz sóiledi. Basqosugha Premier-Ministrding orynbasary Jenis Qasymbek, Sauda jәne integrasiya ministri Baqyt Súltanov ta qatysty.

Qasym-Jomart Toqaevtyng eskertpeleri men jiyngha qatysushylardyng úsynystary industriyalandyrudyng ýshinshi besjyldyghynyng jobasyn jetildiru barysynda eskeriletin bolady.

Abai.kz