Elbasy Núrsúltan Nazarbaev Bakude ótken týrki tildes memleketterding yntymaqtastyghy kenesining 7-shi otyrysyna qatysty. Ol sammitte Preziydent Shavkat Mirziyyoevti jәne býkil ózbek halqyn Týrki kenesine tolyqqandy mýshe boluymen  qúttyqtady. 

– Kenesting qúramyna Ózbekstannyng mýshe boluy – býkil týrki tildes qauymdastyq ýshin tarihy әri kópten kýtken oqigha, – dedi Elbasy.

Sonymen qatar, Núrsúltan Nazarbaev Budapeshtte Týrki kenesining ókildigin ashu - yntymaqtastyqtyng Europa vektoryn damytuda erekshe manyzdy ekenin atap ótti.

Sonday-aq, Elbasy Qyrghyz Respublikasynyng Týrki kenesine tóragha qyzmetindegi júmysyn joghary baghalady.

– Maghan «Týrki Kenesining Qúrmetti Tóraghasy» mәrtebesin beru turaly úsynysy ýshin Preziydent Rejep Erdoghangha alghys bildiremin. Osy bastamany qoldaghandarynyz ýshin barshanyzgha rizamyn. Búl joghary mәrtebe maghan ortaq úiymymyzdyng júmysyna odan әri belsendi qatysugha mýmkindik beredi, – dedi Qazaqstannyng Túnghysh Preziydenti.

Óz sózinde Núrsúltan Nazarbaev Týrki kenesining qúrylu tarihyna toqtaldy.

– Mereytoylyq mejege biz jaqsy jetistiktermen jettik. Birinshiden, jahandyq túrghyda da, óz ishimizde de úiymgha súranys bar ekenin әri onyng ózektiligin dәleldey aldyq. Ekinshiden, Kenesting qatary Ózbekstan men Majarstan esebinen tolyqty. Búl bizding birlesken  jylnamamyzdyng jana paraghy. Ýshinshiden, elderimiz salmaqty institusionaldyq arhiytektura qalyptastyrdy. Tórtinshiden, Kenesting ónirlik jәne halyqaralyq dengeydegi sayasy jәne ekonomikalyq bedeli ósip keledi. Besinshiden, Týrki әlemi integrasiyasynyng tújyrymdamasy qabyldandy, – dedi Elbasy.

Qazaqstannyng Túnghysh Preziydenti Týrki integrasiyasy prosesin jalghastyrudyng manyzdylyghyna toqtalyp, Týrki kenesin odan әri damytu ýshin eki úsynys aitty.

– Birinshiden, «Týrki keleshegi – 2040» baghdarlamasyn әzirleu. Búl qújatqa týrki tildes qoghamdastyqtyng úzaq merzimdi maqsattary men oghan qol jetkizu joldary engiziluge tiyis. Osylaysha biz memleketterimiz ýshin syrtqy sayasat pen «júmsaq kýsh» sayasaty, sauda jәne tranziyt, turizm jәne investisiya, energetika men jasyl ekonomika, shaghyn jәne orta biznes siyaqty basym baghyttardaghy yntymaqtastyqty nyghaytugha aitarlyqtay serpin beremiz, – dedi Núrsúltan Nazarbaev.

Sonymen qatar, Elbasy is-sharalar baghdarlamasyna mәdeniyet jәne bilim beru, jastar sayasaty men densaulyq saqtau, sifrlandyru jәne jasandy intellekt salalaryn engizu qajettiligin atap ótti.

Sonday-aq, Qazaqstannyng Túnghysh Preziydenti «Týrki әlemining besigi» – Týrkistan qalasyn damytudyng manyzdylyghyna nazar audardy.

– Ekinshiden, bolashaqta Kenesimizding atauyn qayta qaraudy úsynamyn. Týrki tildes memleketter yntymaqtastyghy kenesin Úiym dengeyine deyin kóteruge bolady dep sanaymyn. Osylaysha, bizding qúrylymdy «Týrkitektes memleketter úiymy» dep ataugha bolady, – dedi Núrsúltan Nazarbaev.

Abai.kz