Өзбекстан Орта Азиядағы шағын Қытай
Өзбекстан Еуразиялық одаққа кірген күні біздің ауыл шаруашылығынан бастап көп саламыз конкуренцияға шыдамай кері кетеді. Біздегі жұмыс күші 9 млн, өзбектерде 14 млн әрі арзан. Халықаралық ұйымдар 2030 жылы Өзбекстанда экономикадағы белсенді халықтың саны 3,5 млн-ға артатынын болжап отыр.
Еуразиялық одаққа кірсе біздегі ең зардап шегетін салалардың қатарына егіншілік (оның ішінде Шымкенттегі теплицалар бірінші кетеді), киім тігуді мүлдем ұмытамыз-ау, Қостанай мен Өскемендегі машина құрастыру заводтары, ет, сүт өндіру салалары зардап тартатын негізгі бағыттар болады.
Егер Еуразиялық одақ аясында Өзбекстан жұмыс күші одақ шеңберінде заңды еңбек етуге мүмкіндік алса шаруа одан әрмен қиындайды. Құдайдан Өзбекстанның Еуразиялық одаққа кешігіп кіруін тілейік. Дәл қазір олармен конкуренцияға түсуге біздің көп саламыз дайын емес. Халық ретінде де конкуренцияда ұтыларымыз анық.
Бауыржан Серікбайдың әлеуметтік желідегі жазбасынан
Abai.kz
