Л. Н. Гумилев атындағы Еуразия ұлттық университеті әйелдерді ұрып-соғу туралы атышулы пікір жазған оқытушыны жұмыстан шығарды.

Бұған дейін әлеуметтік желіде Еуразия ұлттық университетінің қолданбалы химия ғылыми-зерттеу институтының директоры Ерлан Сүлеймен әйелдерді ұру керектігін жазып, өзін исламист, ұлтшыл, жидофоб деп атаған. Кейінірек оның Еуразия ұлттық университетінің оқытушысы екені анықталды.

«Университет Е. Сүлейменовке қатысты тексеру жұмыстарын қорытындылады. Этика жөніндегі комиссия оның іс-әрекетін жалпыадамзаттық әдеп нормаларына сай келмейді деп бағалады. Аталған комиссия ұсынымымен Е. Сүлейменовпен еңбек келісімшартын бұзу туралы ректор бұйрығы шықты», - деп жазды ЕҰУ баспасөз қызметі.

Abai.kz