Әкім Әйтенов өзінің функционалдық міндеттерін біле ме? Заңды білмей немесе ұмытып отырсаңыздар, естеріңізге салайын. Әкімдік - БАҚЫЛАУШЫ орган ЕМЕС, әкімдік - АТҚАРУШЫ орган!

Екі үш күннен бері әкімдік қызметкерлерінің жазбаларын оқып отырмын. «Әкім тікелей бақылауда» дегенді қалай түсінуге болады?!

Халық ауруханалар жетіспеушілігінен, дәрі дәрмектің жоқтығынан, уақытылы көмек көрсетілмеуінен тіпті, өліп кетіп жатыр. Ал сіздер тек қана «қатаң бақылауында» деген сөзден аса алмай отырсыздар!?

Әйтенов мырза, Шымкентке бақылап отыру үшін келдіңіз бе? Бізде бақылаушы орган - ПРОКУРАТУРА болып табылады!

Бес миллиардқа салынған аурухананың лентасын қиғанын көрдік, ал ішіне адамдарды қабылдағанын естіген де, көрген де жоқпыз! Бүгін мектепке ауруларды жатқызу үшін қосымша орындардың ашылатынын осы фейсбукта оқып қалдым. Сонда ауруханаларды құрылыс жөндеу жұмыстары үшін жауып, балалар оқитын мектепті жұқпалы аурулар жататын орын етпекшісіздер ме?

Жылдың басынан әлемді өзіне қаратқан пандемия жайлы айтылып та, жазылып та жатыр. Аурухананың жөндеу жұмыстары соншалықты маңызды болды ма? Әлде ауруханаларға жүргізілетін құрылыстың тендері маңызды ма?