Дүниежүзілік денсаулық сақтау ұйымы Pfizer және BioNTech вакциналарын мақұлдап, қауіпсіздік пен тиімділіктің қажетті критерийлеріне сәйкес келетінін мәлімдеді.

ДДҰ эпидемиямен күресу үшін қажетті дәрі-дәрмектерге шұғыл рұқсат береді. Бұл БҰҰ-ға кедей елдер үшін вакцина сатып алуды бастауға мүмкіндік береді.

Pfizer және BioNTech вакцинасы ДДҰ мақұлдаған бірінші вакцина. Ол қазірдің өзінде АҚШ, Ұлыбритания және Еуропалық Одақ елдерінде қолданылады.

Ал, Қазақстанның Денсаулық сақтау министрлігі вакциналарды сатып алу туралы компаниялармен келіссөздер жүргізіп жатқанын, бұл келіссөздердің егжей-тегжейі белгісіз екенін айтты.

Айта кетейік, бүгінде әлемде 84 миллионнан астам адам коронавирус жұқтырған. Салдарынан 1,8 миллионнан астам адам қайтыс болса, 59,6 миллион адам жазылған.

Abai.kz