Сәрсенбі, 2 Сәуір 2025
Әне, көрдің бе? 11712 30 пікір 3 Қаңтар, 2021 сағат 14:12

Эстония: Ресейдің екі облысындағы жер біздікі!

Эстония Парламентінің спикері Рийгикогу Хенн Пыллуаас өзінің жаңа жылдық құттықтау сөзінде Ресейдің екі облысындағы жерге Эстонияның заңды қақы бар екенін айтыпты.

«Riigikogu.ee» сайтында жарияланған құттықтау сөз мәтінін шолып шықтық. Онда не айтылған? Қараңыз:

СМИ: новым спикером Рийгикогу может стать Хенн Пыллуаас | Эстония | ERR

«2 ақпанда біз «Тарту» бейбіт келісімінің жүз жылдығын атап өттік. Ол бойынша, Ресей Эстонияның Тәуелсіздігі мен тұтастығын мойындаған. Сол кезде Эстония мен Ресей арасындағы шекара келісіліп, бекітілген. Халықаралық құқық талаптарына сай сол келісім қазір де өз күшінде», - дейді.

Онан әрі:

«Біз сыртқы саясатта белсенді болдық. БҰҰ Қауіпсіздік кеңесінің уақытша мүшесі ретінде біз Беларусь халқының құқығын қолдадық. Украинаға қарсы бағытталған агрессияны тоқтатуды табандап тұрып талап еттік. Бұл мәселелерге қатысты біз өз позициямызды нақты көрсеттік. Біз НАТО одақтастарымен де, басқа да Халықаралық ұйымдармен де жақсы байланыстамыз», - депті.

Эстония Парламенті спкиерінің айтып отырған «Тарту» бейбіт келісімі 1920 жылдың 2 ақпанында Эстония мен РКФСР арасында жасалған. Ол келісімде Ресейдің Ленинград облысындағы Ивангород және Псков облысындағы Печорский ауданының бір бөлігі Эстонияға тиесілі деп көрсетілген. Бұл территориялар 1940 жылы Эстония КСРО құрамына өосылғанда, Ресейге өтіп кеткен.

Эстония мен Ресей арасындағы территориялық талас біраз уақыттан бері жалғасып келеді. 2005 жылы екі ел шекараны шегендемек болып, келісімге қол қояды. Оны ратификациялау кезінде Эстония жоғарыдағы «Тарту» бейбіт келісімін алға тартқан. Ал Ресей одан бас тартқан. Осыдан соң, 2014 жылы тағы бір келісім жасалған. Бірақ, бұл келісімді екі елдің де Парламенттері әлі күнге ратификацияламаған.

Abai.kz

30 пікір

Үздік материалдар

Азамат

Қайраулы қара семсер

Есболат Айдабосын 560
Болған оқиға

Тілендиев неге Таразидың құлағын қыршып алды?

Төреғали Тәшенов 2471
Анық-қанығы

Еуропаға Ресей аумағынсыз шығу жолы

Асхат Қасенғали 2231
Алтын Орда

Бізге беймәлім Барақ хан

Жамбыл Артықбаев 1313