World Happiness Report - әлем елдері бойынша бақыт индексін есептейтін жоба. Зерттеу жұмысы Колумбия университетінің аясындағы The Earth Institute пен Center for Sustainable Development институттары және БҰҰ-ның  UN Sustainable Development Solutions Network аясында іске асып келеді. Алғаш рет "бақыт индексі" бойынша рейтинг 2012 жылы жарияланған еді. 

Рейтингті жасау барысында елдердің ІЖӨ мен өмір сүру ұзақтығы, азаматтық бостандық, сөз, дін, баспасөз, ой еркіндігі, ажырасу мен үйлену жиілігі, жұмыссыздық пен баспананың болуы және басқа көрсеткіштер ескеріледі. Сонымен қатар халықтан сұрау алу да іске асады.

2021 жылғы рейтинг бойынша ең бақытты ел деп 7.842 ұпаймен Финляндия танылды. Ал ең бақытсыз ел 2.523 ұпаймен Ауғанстан болып отыр. Қазақстан 6.152 ұпаймен 45 орында. Өзбекстан - 42, Тәжікстан - 78, Қырғызстан - 67, Түркіменстан - 97, Қытай - 84, Ресей - 76 орынды иемденді.

Abai.kz