World Happiness Report - الەم ەلدەرى بويىنشا باقىت يندەكسىن ەسەپتەيتىن جوبا. زەرتتەۋ جۇمىسى كولۋمبيا ۋنيۆەرسيتەتىنىڭ اياسىنداعى The Earth Institute پەن Center for Sustainable Development ينستيتۋتتارى جانە بۇۇ-نىڭ  UN Sustainable Development Solutions Network اياسىندا ىسكە اسىپ كەلەدى. العاش رەت "باقىت يندەكسى" بويىنشا رەيتينگ 2012 جىلى جاريالانعان ەدى. 

رەيتينگتى جاساۋ بارىسىندا ەلدەردىڭ ءىجو مەن ءومىر ءسۇرۋ ۇزاقتىعى، ازاماتتىق بوستاندىق، ءسوز، ءدىن، ءباسپاسوز، وي ەركىندىگى، اجىراسۋ مەن ۇيلەنۋ جيىلىگى، جۇمىسسىزدىق پەن باسپانانىڭ بولۋى جانە باسقا كورسەتكىشتەر ەسكەرىلەدى. سونىمەن قاتار حالىقتان سۇراۋ الۋ دا ىسكە اسادى.

2021 جىلعى رەيتينگ بويىنشا ەڭ باقىتتى ەل دەپ 7.842 ۇپايمەن فينليانديا تانىلدى. ال ەڭ باقىتسىز ەل 2.523 ۇپايمەن اۋعانستان بولىپ وتىر. قازاقستان 6.152 ۇپايمەن 45 ورىندا. وزبەكستان - 42, تاجىكستان - 78, قىرعىزستان - 67, تۇركىمەنستان - 97, قىتاي - 84, رەسەي - 76 ورىندى يەمدەندى.

Abai.kz