Денсаулық сақтау министрі Алексей Цой бұрынғы министр Елжан Біртановқа қатысты сұраққа жауап берді.  21 сәуір күні сот Елжан Біртановтың үй қамағын ұзартса да, оған үйден жұмыс істеу мақсатында шығуына рұқсат еткен еді. Бұған дейін оған отбасы мен адвокатынан басқа жандармен араласуға тыйым салынған болатын.  

"Елжан Біртановқа қатысты сұрағым бар еді. Сот оған үйінен жұмыс істеу мақсатында шығуына рұқсат бергені белгілі. Сіз оны Денсаулық сақтау министрлігіне жұмысқа аласыз ба?" - деп журналист сауал қойды.

Бұл сұраққа Алексей Цой: "Қазіргі таңда біздің қолымызда да осы ақпарат бар. Біздің білуімізше ол қазір коммерциялық құрылымда жұмыс істеп жүр", - деп жауап берді.

Abai.kz