دەنساۋلىق ساقتاۋ ءمينيسترى الەكسەي تسوي بۇرىنعى مينيستر ەلجان بىرتانوۆقا قاتىستى سۇراققا جاۋاپ بەردى.  21 ءساۋىر كۇنى سوت ەلجان ءبىرتانوۆتىڭ ءۇي قاماعىن ۇزارتسا دا، وعان ۇيدەن جۇمىس ىستەۋ ماقساتىندا شىعۋىنا رۇقسات ەتكەن ەدى. بۇعان دەيىن وعان وتباسى مەن ادۆوكاتىنان باسقا جاندارمەن ارالاسۋعا تىيىم سالىنعان بولاتىن.  

"ەلجان بىرتانوۆقا قاتىستى سۇراعىم بار ەدى. سوت وعان ۇيىنەن جۇمىس ىستەۋ ماقساتىندا شىعۋىنا رۇقسات بەرگەنى بەلگىلى. ءسىز ونى دەنساۋلىق ساقتاۋ مينيسترلىگىنە جۇمىسقا الاسىز با؟" - دەپ جۋرناليست ساۋال قويدى.

بۇل سۇراققا الەكسەي تسوي: "قازىرگى تاڭدا ءبىزدىڭ قولىمىزدا دا وسى اقپارات بار. ءبىزدىڭ بىلۋىمىزشە ول قازىر كوممەرتسيالىق قۇرىلىمدا جۇمىس ىستەپ ءجۇر", - دەپ جاۋاپ بەردى.

Abai.kz