Көпшілікке Фара деген атпен танымал қазақстандық актер Фархат Әбдірайымов Грузияда түсірілім алаңында қайтыс болды. 

«Қазақфильм» киностудиясының мәліметінше, актердің өліміне инфаркт себеп болған.

- Бүгін, 56 жасында белгілі қазақстандық актер және продюсер Фархат Әбдірайымов Грузияда түсірілім алаңында қайтыс болды. Актердің туыстарының айтуынша, өлімге инфаркт себеп болған.

"Қазақфильм" киностудиясының ұжымы Фархат Нұрсұлтанұлының отбасы мен жақындарына ортақтасып көңіл айтады. Бұл бүкіл қазақстандық кино үшін үлкен қаза.

Актермен қоштасу күні мен орны кейінірек хабарланады, - делінген хабарламада.

Фархат Әбдірайымов 1966 жылы 21 қаңтарда Алматы қаласында туған. Ол 20-дан аса фильмде эпизод, басты рольдерде ойнаған.

Abai.kz