Өзбекстанда коронавирустың «үнді» штамы тіркелді. Kun.uz порталының хабарлауынша, Инновациялық даму министрлігі жанындағы озық технологиялар орталығы директорының орынбасары Әлішер Абдуллаев Өзбекстанда бірнеше коронавирус штамдары, оның ішінде «британдық», «үнді» штамдары барын айтты.

Сондай-ақ, Ташкенттің он тұрғынының тоғызы карантиндік шектеулер мен айыппұлдарға қарамастан бетперде кимейтіні атап өтілді.

Қазақстанда әуежайлар мен теміржол вокзалдарында санитарлық-эпидемиологиялық ережелердің сақталуына қатаң бақылау орнатылуда.21 маусымда ҚР Денсаулық сақтау министрлігі «үнді» штаммының елімізде таралу ықтималдығын мәлімдеген болатын.

Abai.kz