Алматыда дельта штамын жұқтырғандар саны күрт артты. Бұл туралы қала әкімінің орынбасары Ержан Бабақұмаров мәлімдеді.

"Қалада соңғы 10-14 күн ішінде инфекция деңгейінің «вертикальды» көтерілуі байқалады. Егер бастапқыда «дельта штамы» жалпы жұқтырғандардың 23% -ын құраса, бүгінде бұл 78%ға тең. Бұған дейін тәулігіне 144 адам ауру жұқтырса, бүгінде 305 адамға дейін жетті. Жұқтырғандардың басым бөлігінде айқын симптом белгілері бар", - деді ол.

Қазақстанда соңғы аптада вирус жұқтырғандар саны еселеп артуда. Екі апта бұрын тәулігіне вирус жұқтырғандар саны орта есеппен 900-1000 адам болса, қазір ол көрсеткіш 2200 адамды құрап отыр.

Abai.kz