Токио Олимпиадасында 91 келіден жоғары салмақ дәрежесінде өнер көрсеткен қазақстандық боксшы Қамшыбек Қоңқабаев қола медаль алды.

Ол жартылай финалда АҚШ боксшысы Ричард Торрезбен кездескен болатын. Үшінші раундта қазақстандық боксшының қабағы жарылып, Торрес техникалық нокаутпен жеңді.

Осылайша, отандасымыз Токио Олимпиадасының финалына шыға алмады.

Айта кетейік, 28 жастағы Қамшыбек Қоңқабаев Қызылорда облысында туған. 2017 және 2019 жылдары әлем чемпионатында күміс медаль еншілеген. 2017, 2019 және 2021 жылдары Азияның вице-чемпионы атанған. Биылғы Токио Олимпиадасының ашылу салтанатында Қоңқабаев ту ұстап шыққан.

Abai.kz