Бірінші жартыжылдықта Қазақстан Өзбекстанға 114 миллиард теңге (267 миллион доллар) аударды, бұл өткен жылмен салыстырғанда 80,2 пайызға көп. Осылайша, Өзбекстан Қазақстаннан ақша аударымдары бойынша көшбасшыға айналды. Бұл туралы ranking.kz жазды.

Одан кейін Түркия - 96,2 миллиард теңге (225 миллион доллар) және Ресей - 93,3 миллиард теңге (218,6 миллион доллар). Қаржының айтарлықтай көлемі Қырғызстанға да жіберілді - 76 миллиард теңге (178 миллион доллар) және Қытайға - 15,4 миллиард теңге (36 миллион доллар) қаржы жіберілген.

Қазақстанға шетелден аударылған қаражат көлемі бойынша Ресей көш бастап тұр - 28,6 миллиард теңге (67 миллион доллар). Одан кейін Өзбекстан - 22,6 миллиард теңге (52,9 миллион доллар), Оңтүстік Корея - 20,9 миллиард теңге (40,8 миллион доллар) қаржы аударылым жасалған.

Abai.kz