Қазақстан НАТО-мен жаттығу өткізбейтін болды
Биылғы жылдың шілде айына жоспарланған "Дала қыраны" бітімгершілік жаттығуы коронавирустық жағдайға байланысты тоқтатылды. Бұл туралы Қорғаныс министрлігі хабарлады.
"Биылғы жылы елдегі қолайсыз санитарлық-эпидемиологиялық жағдайға байланысты "Дала қыраны" тактикалық және арнайы бітімгершілік жаттығулары тоқтатылды", - деп хабарлады министрлік өкілдері.
Қорғаныс министрлігі "Дала қыранын" 2021 жылы жүргізу жоспарланбағанын атап өтті. Жаттығуға АҚШ пен Ұлыбритания және өзге де НАТО елдері қатысуы тиіс болатын. 2020 жылы да жаттығу вирусқа байланысты өтпей қалған еді.
Abai.kz
