Қазнетте әр зейнеткерге 59 мың теңге төленетіні туралы ақпарат тараған. Мұндай бұйрықты президент Қасым-Жомарт Тоқаев берді деп жазған. Бұл жалған ақпарат екені анықталды. 

Stop Fake бұл ақпаратты Еңбек және халықты әлеуметтік қорғау министрлігі жоққа шығарды деп жазады.

"Біз азаматтарға мұндай хабарламаларды киберқылмыскерлер жеке шоттар мен банк шоттарына кіру үшін пайдалана алатынын ескертеміз. Ешқандай жағдайда күмәнді сілтемелерге кірмеңіз және алаяқтықтың құрбаны болмау үшін жеке мәліметтеріңізді қалдырмаңыз", - деп түсіндірді департамент.

Еңбек министрлігі азаматтардан жалған ақпаратқа назар аудармауға және ақпаратты тек ресми дереккөздерден іздеуге кеңес береді.

Abai.kz