ҚР Парламенті Мәжілісінің депутаттары "Қазақстан Республикасы тәуелсіздігінің 30 жылдығына байланысты рақымшылық жасау туралы" заң жобасын қарауды бастады. 

Қарастырылып отырған құжатта "әлеуметтік осал санат" ұғымы алғаш рет енгізілді. Заң жобасы зиян келтіруге әкеп соқпаған немесе азаматтар мен мемлекеттің қауіпсіздігіне қатер төндірмейтін қылмыстық құқық бұзушылықты және ауырлығы орташа қылмысты жасаған сотталғандарды жазадан босатуды ұсынады. Сондай-ақ, заң жобасында көзделген адамдар үшін негізгі жазаның мерзімі мен мөлшері қысқартылады.

Қазақстан Республикасы тәуелсіздігінің 30 жылдығына арналған амнистия кәмелетке толмағандарға жыныстық зорлық көрсеткендерге, жемқорларға, кісі өлтірушілер мен экстремистерге, қылмыстық топтардың бұрынғы мүшелеріне қолданылмайды.

Қазақстанда 30 жылдан астам уақыт ішінде 8 мәрте рақымшылық жарияланды, оның соңғы 4-і Қазақстан Республикасының Тәуелсіздік алған күндеріне сәйкес келген.

Abai.kz