Ресейде омикрон штаммын жұқтырғандар саны 16 адамға жетті. Бұл туралы вице-премьер Татьяна Голикова мәлімдеді. «Бүгін елге оралған 177 азаматтың 16-сында омикрон штаммы анықталды, олардың барлығы бақылауда», - деді ол Мемлекеттік Думада сөйлеген сөзінде.

Ресейде бір аптада COVID-19 ауруын жұқтырғандар саны 7,3%-ға төмендеген. Көрсеткіш халықтың жүз мыңына шаққанда 144,95 құрады. Федерацияның 24 субъектісінде ауыр халдегі науқастардың ауруханаға жатқызылуы да артты.

Ресейде 68,8 миллион адам екпенің екі компонентімен, 75,5 миллион адам бір компонентпен егілді. Дүниежүзілік денсаулық сақтау ұйымы қараша айының соңындағы шұғыл жиналыстың қорытындысы бойынша Оңтүстік Африкада табылған B.1.1.529 коронавирусының жаңа нұсқасын алаңдаушылық туғызатын санатқа жатқызуға шешім қабылдады және оны грек әрпімен omicron деп атады.

Abai.kz