Алдағы 2-3 айда Украинадағы Ресей армиясын ауыр жеңіліс күтуі мүмкін. Бұл туралы «ДХР» квазимемлекетінің негізін қалаушылардың бірі және бұрынғы жетекшілерінің бірі Игорь Стрелков-Гиркин айтты.

Дәл қазір Кремль шындықты мойындап, соғыс жағдайына ашық баға беріп, күресуге қосымша күш таппаса, Ресейліктер де үлкен қиындықтарға тап болуы мүмкін. Стрелковтың айтуынша, бұл шара елде соғыс жағдайын енгізуді, армия мен экономиканы жұмылдыруды көздейді.

«Бірақ бұған Кремльдің батылы жетпесе, алдағы 2-3 айда Ресей тактикалық қана емес, айтарлықтай жеңіліс таба бастайды. Бұл әлі де оптимистік болжам (болашақ жеңілістердің басталу уақыттың ғана еншісінде)», - деп түсіндірді Стрелков.

Abai.kz