الداعى 2-3 ايدا ۋكرايناداعى رەسەي ارمياسىن اۋىر جەڭىلىس كۇتۋى مۇمكىن. بۇل تۋرالى «دحر» كۆازيمەملەكەتىنىڭ نەگىزىن قالاۋشىلاردىڭ ءبىرى جانە بۇرىنعى جەتەكشىلەرىنىڭ ءبىرى يگور سترەلكوۆ-گيركين ايتتى.

ءدال قازىر كرەمل شىندىقتى مويىنداپ، سوعىس جاعدايىنا اشىق باعا بەرىپ، كۇرەسۋگە قوسىمشا كۇش تاپپاسا، رەسەيلىكتەر دە ۇلكەن قيىندىقتارعا تاپ بولۋى مۇمكىن. سترەلكوۆتىڭ ايتۋىنشا، بۇل شارا ەلدە سوعىس جاعدايىن ەنگىزۋدى، ارميا مەن ەكونوميكانى جۇمىلدىرۋدى كوزدەيدى.

«بىراق بۇعان كرەملدىڭ باتىلى جەتپەسە، الداعى 2-3 ايدا رەسەي تاكتيكالىق قانا ەمەس، ايتارلىقتاي جەڭىلىس تابا باستايدى. بۇل ءالى دە وپتيميستىك بولجام (بولاشاق جەڭىلىستەردىڭ باستالۋ ۋاقىتتىڭ عانا ەنشىسىندە)»، - دەپ ءتۇسىندىردى سترەلكوۆ.

Abai.kz