Қайрат Боранбаевты ұстау мерзімі ұзартылды
Қайрат Боранбаевты қамауда ұстау мерзімі тағы бір айға ұзартылды.
"2022 жылғы 8 қыркүйекте Астана қаласының мамандандырылған ауданаралық тергеу соты күдікті Қайрат Боранбаевқа қатысты қамауға алу түріндегі санкцияланған бұлтартпау шарасының мерзімін 1 айға ұзартты", – деп хабарлады сот.
17 наурызда Қаржылық мониторинг агенттігінің баспасөз қызметі қазақстандық кәсіпкер Қайрат Боранбаевтың ұсталғанын хабарлады. Ведомство квазимемлекеттік сектордағы аса ірі көлемдегі қаражатты ұрлау фактісі бойынша қылмыстық істі тергеп жатыр.
Abai.kz
