АҚШ президенті Джо Байден жоспардан тыс сапармен Киевке барды, - деп хабарлайды Tengrinews.kz тілшісі украиналық УНИАН агенттігіне сілтеме жасап.

Желіде Ақ үй басшысының Киевтегі Михайловская алаңында Украина президенті Владимир Зеленскиймен бірге түсірілген кадрлары пайда болды.

Америка президентінің Украинаға сапары нағыз тосын оқиға болды. Киевте таңертеңнен бастап орталыққа тосқауыл қойылған.

Бұл - 24 ақпанда қақтығыс басталғаннан берігі Байденнің Киевке бірінші сапары.

Америка президенті Киевке 20-22 ақпанда Польшаға сапары аясында барған. Ақ үйдің ұлттық қауіпсіздік өкілі Джон Кирбидің мәлімдеуінше, Байден Польшаға сапары барысында ресейліктер мен президент Владимир Путинге жеке үндеу жолдамақ.

Abai.kz