Риддер қаласы әкімінің міндетін атқарушы болып Дархан Қосантаев тағайындалды.

Еске сала кетейік, Риддер қаласының әкімі Дмитрий Анатольевич Горьковой 2023 жылы 21 сәуірде кенеттен қайтыс болған еді.

Дархан Дәуренбекұлы 1991 жылы 4 қазанда Шығыс Қазақстан облысы Күршім ауданы Қаратоғай ауылында дүниеге келген.

2009-2013 жылдары Д.Серікбаев атындағы Шығыс Қазақстан мемлекеттік техникалық университетінде экономика және менеджмент факультетінде оқып, қаржы бакалавры біліктілігін алған. 2015-2017 жылы Семей қаласында Казақ мемлекеттік заң университетінде «құқық бакалавры» мамандығы бойынша білім алды.

Былтырдан бастап Риддер қаласы әкімінің орынбасары қызметін атқарған.

Abai.kz