"Біз діни киімдерді киюде тым артық кетіп жатырмыз. Біздің мазхаб әйелдерге тұмшалап жүруге бұйрық бермейді. Дінімізде сұлу көрініп жүруді және тым ашық киінбеуді ұсынады", - деді мүфти.

Нуриддин Халикназаров киім киюдің талаптарына тоқталып, әр елдің өзінің салт-дәстүрі бар екенін жеткізді.

"Мұсылмандар белгілі бір формада киім кию керек деген талап жоқ. Ислам бүкіл адамзатқа жіберілген – арабтардың өз киімі бар, түріктердің өз киімі бар, Индонезия мен Малайзиядағы мұсылмандардың өз киімі, өзбектердің өз киімі бар. Шегі болуы керек: ұятсыз киім киюдің де, аратардың өте қара киімін киюдің де қажеті жоқ”, - деді мүфти.

Мүфти сақал қою мәселесіне де тоқталды. Ол жас жігіттерге сақалды алу керегін ескертіп, дінді ұстанатындарды исламды салқынқанды саналы түрде түсіндіруге шақырды.