ول يسلام ايەلدەردىڭ ءجۇزىن تولىق جاۋىپ جانە قارا كيىم كيۋدى تالاپ ەتپەيتىنىن ايتتى. ۆيدەو پىكىردى ءدىني باسقارماسىنىڭ ءباسپاسوز قىزمەتى جاريالادى.
ء"بىز ءدىني كيىمدەردى كيۋدە تىم ارتىق كەتىپ جاتىرمىز. ءبىزدىڭ مازحاب ايەلدەرگە تۇمشالاپ جۇرۋگە بۇيرىق بەرمەيدى. دىنىمىزدە سۇلۋ كورىنىپ ءجۇرۋدى جانە تىم اشىق كيىنبەۋدى ۇسىنادى", - دەدى ءمۇفتي.
نۋريددين حاليكنازاروۆ كيىم كيۋدىڭ تالاپتارىنا توقتالىپ، ءار ەلدىڭ ءوزىنىڭ سالت-ءداستۇرى بار ەكەنىن جەتكىزدى.
"مۇسىلماندار بەلگىلى ءبىر فورمادا كيىم كيۋ كەرەك دەگەن تالاپ جوق. يسلام بۇكىل ادامزاتقا جىبەرىلگەن – ارابتاردىڭ ءوز كيىمى بار، تۇرىكتەردىڭ ءوز كيىمى بار، يندونەزيا مەن مالايزياداعى مۇسىلمانداردىڭ ءوز كيىمى، وزبەكتەردىڭ ءوز كيىمى بار. شەگى بولۋى كەرەك: ۇياتسىز كيىم كيۋدىڭ دە، اراتاردىڭ وتە قارا كيىمىن كيۋدىڭ دە قاجەتى جوق”، - دەدى ءمۇفتي.
ءمۇفتي ساقال قويۋ ماسەلەسىنە دە توقتالدى. ول جاس جىگىتتەرگە ساقالدى الۋ كەرەگىن ەسكەرتىپ، ءدىندى ۇستاناتىنداردى يسلامدى سالقىنقاندى سانالى تۇردە تۇسىندىرۋگە شاقىردى.
