Компанияның есепшісі болып жұмыс істейтін әйел компания иелеріне шетелге саламын деп уәде берген ақшаны жымқырған. Бұл туралы Abai.kz тілшісі Астана прокуратурасының баспасөз қызметіне сілтеме жасап, хабарлайды.

Соттың үкімімен Астана тұрғыны құмар ойындарға ақша жұмсау үшін алаяқтық жолға түсіп, нәтижесінде 5 жылға бас бостандығынан айырылды.

"Кінәлі әйел ЖШС-ның есепшісісбола отырып, мекеме иелеріне шет елге тиімді инвестициялар салу туралы жалған айтып, оларды алдау арқылы 385,9 млн. теңгеден астам қаражатын иемденген. Сотталған адам ұрланған ақшаның басым бөлігін казинода ұтылған", – деп  жазылған хабарламада.

Іс бойынша қатысқан мемлекеттік айыптаушы сотталушының кінәсін дәлелдеді. Сот үкімі заңды күшіне енді.

Abai.kz