كومپانيانىڭ ەسەپشىسى بولىپ جۇمىس ىستەيتىن ايەل كومپانيا يەلەرىنە شەتەلگە سالامىن دەپ ۋادە بەرگەن اقشانى جىمقىرعان. بۇل تۋرالى Abai.kz ءتىلشىسى استانا پروكۋراتۋراسىنىڭ ءباسپاسوز قىزمەتىنە سىلتەمە جاساپ، حابارلايدى.

سوتتىڭ ۇكىمىمەن استانا تۇرعىنى قۇمار ويىندارعا اقشا جۇمساۋ ءۇشىن الاياقتىق جولعا ءتۇسىپ، ناتيجەسىندە 5 جىلعا باس بوستاندىعىنان ايىرىلدى.

"كىنالى ايەل جشس-نىڭ ەسەپشىسىسبولا وتىرىپ، مەكەمە يەلەرىنە شەت ەلگە ءتيىمدى ينۆەستيتسيالار سالۋ تۋرالى جالعان ايتىپ، ولاردى الداۋ ارقىلى 385,9 ملن. تەڭگەدەن استام قاراجاتىن يەمدەنگەن. سوتتالعان ادام ۇرلانعان اقشانىڭ باسىم بولىگىن كازينودا ۇتىلعان", – دەپ  جازىلعان حابارلامادا.

ءىس بويىنشا قاتىسقان مەملەكەتتىك ايىپتاۋشى سوتتالۋشىنىڭ كىناسىن دالەلدەدى. سوت ۇكىمى زاڭدى كۇشىنە ەندى.

Abai.kz