Қостанай облысындағы Приречное ауылында ірі қарадан сібір жарасы табылып, карантин жарияланды. Бұл туралы Азаттық жазды.

Қостанай облысы әкімдігінің ветеринария басқармасының басшысы Төлеген Иманбаевтың айтуынша, сібір жарасы ауылдағы шаруа қожалықтарының бірінде анықталған.

"2 тамызда карантин жарияланды, ауылға кіруге шектеу қойылды. Қожалықта "Республикалық эпизоотияға қарсы жасақ" карантин бойынша жұмыс істеп жатыр. Сібір жарасы 13 бас малдан анықталды. Адамдарға жұқпады, оларға қауіп төніп тұрған жоқ, кейінгі күндері өлген мал жоқ" , -деді ол Азаттыққа.

Иманбаевтың сөзінше, ауылда мал өлімі болмаса, карантин 15 күнге созылады.

Abai.kz