– Бізде басқа амал қалған жоқ, мен және Палестина билігінің барлық мүшелері Газаға баруға шешім қабылдадық және біз оны орындаймыз. Біздің өміріміз Газа секторындағы бірде-бір баланың өмірінен артық емес, – деді Аббас.

88 жастағы Палестина басшысы 45 минуттық сөзінде Түркия мен түрік халқына Палестина құқықтарын қолдағаны және гуманитарлық көмек көрсеткені үшін алғыс айтып, Израильді Газа секторындағы «геноцид» деп айыптады. Ол Палестина халқының өз жерлері үшін күресіндегі табандылығына тоқталды.

– Палестиналықтар өз құқықтарын қорғауды жалғастырады және өз жерлерін тастамайды, – деді ол.

Аббас Анкараға 14 тамызда Мәскеу сапарынан кейін ертеңіне барды. Палестина басшысы 13 тамызда Ресей президенті Владимир Путинмен келіссөздер кезінде халықаралық қауымдастықты Палестина мәселесі бойынша бейбіт конференция өткізуге шақырды. Оның пікірінше, бұл палестиналықтар халықаралық қоғамдастықтың «екі халық үшін екі мемлекет» қағидатын жүзеге асыру мүмкіндігіне шындап қарайтындығына үміт артуы керек.

Abai.kz