Ұлыбритания елшісі Бозжыра шатқалын Голливуд фильмдерінің декорациясына теңеді.

Бұл туралы Ұлыбританияның Қазақстандағы елшісі Кэти Лич «Born Bold. Travel Boldcast» подкасты барысында мәлімдеді.

«Мен өз тізімімнің басында тұрған жерлерге барып үлгердім. Маңғыстау облысындағы Бозжыра шатқалына бардық. Бұл мен үшін әлемдік деңгейдегі пейзаж болды және «Жұлдызды соғыстар» немесе «Дюна» фильмдеріне ұқсас декорацияға ұқсады. Шынында да өте ерекше жер. 5 миллион жыл бұрын теңізден қалған жартастар таңғажайып. Мен Маңғыстау өңірінің тек шағын бөлігін ғана көрдім. Онда жартастарға қашалған таңғаларлық мешіттер бар екенін білемін, бірақ оларды әлі көрмедім», - деп өз әсерімен бөлісті елші.

Дипломат ерекше әсерге бөлейтін табиғи ландшафттар арасында Алтын-Емел және Қатонқарағай ұлттық парктерін де атап өтті.

«Алтын-Емелде ерекше және таңғажайып таулы массивтер бар. Таяуда тау велоспортшысының осы тік жартастармен төменге түскен керемет видеоны көрдім. Ол жартастардың керемет сұлулығы мен ерекше құрылымын көрсетті. Өзім барған үшінші орын - Шығыс Қазақстан мен Қатонқарағай. Бұл адамның қолы тимеген ландшафт, ең әсем таулар және таңғажайып тегіс төбелер. Бұл үш орын - өзім көргім келген жерлердің бірі», - деп бөлісті ол.

Толық шығарылым: https://youtu.be/KOXOIVvYEe4?si=2JNBdJw067UYCHdw

«Born Bold. Travel Boldcast» — Қазақстандағы туризм туралы ағылшын тіліндегі тұңғыш подкаст.

Abai.kz