Қытайда «метапневмовирус» (HMPV) деген жаңа індет өршіді. Оның белгілері COVID пен тұмауға ұқсас болып келеді.

Індет белгілері: Әлсіздік, бастың айналуы, тамақтың ауруы, жөтел, өздігінен қалтырау. Ауруханаларға аталған белгілермен мыңдаған адам келіп түсуде. Ел билігі әзірге ресми ақпарат бермеді.

«Адамның метапневмовирусы (HMPV) деп анықталған вирус Қытайдың солтүстік провинцияларында, әсіресе балалар арасында аурудың өсуіне себеп болған», - деп жазады «The Independent».

Қытайдағы ауруханаларда індет жұқтырғандар көбейген. Жергілікті БАҚ: «HMPV вирусының таралуы COVID індетінің бастапқы таралуына ұқсас», - деп хабарлайды.

«Адамның метапневмовирусы - суық тию мен тұмауға ұқсас белгілерді тудыратын респираторлық вирус. Ауру әдетте жеңіл болғанымен, әсіресе нәрестелерде және егде жастағы адамдарда және иммундық жүйесі әлсіреген адамдарда пневмония сияқты ауыр асқынуларға әкелуі мүмкін», - деп жазады «The Independent».

Сурет: ҚР Денсаулық сақтау министрлігінің ресми сайтынан алынды.

HMPV ВИРУСЫ: ҚР ДЕНСАУЛЫҚ САҚТАУ МИНИСТРЛІГІ МӘЛІМДЕМЕ ЖАСАДЫ

Жіті респираторлық вирустық инфекцияларға жататын метапневмовирустың әлемде таралуы туралы БАҚ-тағы соңғы хабарларға байланысты ҚР Денсаулық сақтау министрлігі мынаны хабарлайды.

Адам метапневмовирусы - көптеген елдерде ондаған жылдар бойы таралған классикалық вирустардың бірі. Бұл вирустың штамдары Қазақстанда ЖРВИ және тұмау ауруларының маусымдық өсуі кезеңінде кеңістікте белсенді айналымда болатын инфекциялардың басқа түрлерімен қатар анықталды.

Санитариялық-эпидемиологиялық бақылау комитетінің мәліметінше, эпидемиялық маусымның басында республика бойынша тұмауға жатпайтын вирустарға 8 360 үлгі зерттелген.

Оның ішінде оң 1866 (22%), оның ішінде паратұмау – 178 (9,5%), РС вирусы – 433 (23,2%), метапневмовирус – 30 (1,6%), риновирус – 680 (36,4%), бокавирус – 113 (6,1%), аденовирус – 226 (12,1%), коронавирус – 206 (11,1%).

Метапневмовирус негізінен ауа тамшылары арқылы және аз жағдайда тұрмыстық байланыс арқылы беріледі. Инфекцияның негізгі белгілері - жөтел, мұрыннан су ағу, ентігу, тырысу, бас ауруы. Нақты емдеу жоқ, симптоматикалық емдеу қолданылады.

Қазіргі уақытта Қазақстанда, бүкіл әлем сияқты, ЖРВИ және тұмаумен сырқаттанушылықтың маусымдық өсуі тіркелуде.

Эпидемиологиялық маусымның басынан бастап, ағымдағы жылдың 1 қазанынан бастап республикада ЖРВИ-дің 2 002 335 жағдайы және зертханалық расталған тұмаудың 941 жағдайы, оның ішінде А(H1N1) типті тұмаудың 910 жағдайы, А(H3N2)-1 жағдайы, метапневмовирус тұмауының 30 фактісі тіркелді.

Денсаулық сақтау министрлігі халықты профилактика шараларын сақтауға және адамдар көп жиналатын жерлерде байланыстарды шектеуге шақырады, бұл әсіресе созылмалы аурулары бар ең осал пациенттерге қатысты.

Тұмау мен ЖРВИ-дың профилактика шаралары:

- адамдар көп жиналатын орындарға, әсіресе жабық үй-жайларға баруды шектеу;

- үй-жайларды үнемі желдету;

- қолды тазарту үшін антисептиктерді немесе дезинфекциялық майлықтарды қолдану;

- ауру адамдармен байланысын шектеу, олардың оқшаулануын қамтамасыз ету;

- тұмау және ЖРВИ белгілері пайда болған кезде балаларды үйде қалдыру және ұйымдасқан ұжымдарға (мектепке дейінгі ұйымдарға, мектептерге) жібермеу;

- ауру белгілері пайда болған кезде дер кезінде медициналық көмекке жүгіну.

ІНДЕТ ҚАЗАҚСТАНДА ДА ТІРКЕЛГЕН

Бұл инфекция бірнеше елде, соның ішінде Қазақстанда да анықталғаны хабарланды. ҚР Денсаулық сақтау министрлігі Қазақстанда 30 адам аталған індетті жұқтырғанын айтты.

Abai.kz