قىتايدا «مەتاپنەۆموۆيرۋس» (HMPV) دەگەن جاڭا ىندەت ءورشىدى. ونىڭ بەلگىلەرى COVID پەن تۇماۋعا ۇقساس بولىپ كەلەدى.

ىندەت بەلگىلەرى: السىزدىك، باستىڭ اينالۋى، تاماقتىڭ اۋرۋى، جوتەل، وزدىگىنەن قالتىراۋ. اۋرۋحانالارعا اتالعان بەلگىلەرمەن مىڭداعان ادام كەلىپ تۇسۋدە. ەل بيلىگى ازىرگە رەسمي اقپارات بەرمەدى.

«ادامنىڭ مەتاپنەۆموۆيرۋسى (HMPV) دەپ انىقتالعان ۆيرۋس قىتايدىڭ سولتۇستىك پروۆينتسيالارىندا، اسىرەسە بالالار اراسىندا اۋرۋدىڭ وسۋىنە سەبەپ بولعان»، - دەپ جازادى «The Independent».

قىتايداعى اۋرۋحانالاردا ىندەت جۇقتىرعاندار كوبەيگەن. جەرگىلىكتى باق: «HMPV ۆيرۋسىنىڭ تارالۋى COVID ىندەتىنىڭ باستاپقى تارالۋىنا ۇقساس»، - دەپ حابارلايدى.

«ادامنىڭ مەتاپنەۆموۆيرۋسى - سۋىق تيۋ مەن تۇماۋعا ۇقساس بەلگىلەردى تۋدىراتىن رەسپيراتورلىق ۆيرۋس. اۋرۋ ادەتتە جەڭىل بولعانىمەن، اسىرەسە نارەستەلەردە جانە ەگدە جاستاعى ادامداردا جانە يممۋندىق جۇيەسى السىرەگەن ادامداردا پنەۆمونيا سياقتى اۋىر اسقىنۋلارعا اكەلۋى مۇمكىن»، - دەپ جازادى «The Independent».

سۋرەت: قر دەنساۋلىق ساقتاۋ مينيسترلىگىنىڭ رەسمي سايتىنان الىندى.

HMPV ۆيرۋسى: قر دەنساۋلىق ساقتاۋ مينيسترلىگى مالىمدەمە جاسادى

ءجىتى رەسپيراتورلىق ۆيرۋستىق ينفەكتسيالارعا جاتاتىن مەتاپنەۆموۆيرۋستىڭ الەمدە تارالۋى تۋرالى باق-تاعى سوڭعى حابارلارعا بايلانىستى قر دەنساۋلىق ساقتاۋ مينيسترلىگى مىنانى حابارلايدى.

ادام مەتاپنەۆموۆيرۋسى - كوپتەگەن ەلدەردە ونداعان جىلدار بويى تارالعان كلاسسيكالىق ۆيرۋستاردىڭ ءبىرى. بۇل ۆيرۋستىڭ شتامدارى قازاقستاندا جرۆي جانە تۇماۋ اۋرۋلارىنىڭ ماۋسىمدىق ءوسۋى كەزەڭىندە كەڭىستىكتە بەلسەندى اينالىمدا بولاتىن ينفەكتسيالاردىڭ باسقا تۇرلەرىمەن قاتار انىقتالدى.

سانيتاريالىق-ەپيدەميولوگيالىق باقىلاۋ كوميتەتىنىڭ مالىمەتىنشە، ەپيدەميالىق ماۋسىمنىڭ باسىندا رەسپۋبليكا بويىنشا تۇماۋعا جاتپايتىن ۆيرۋستارعا 8 360 ۇلگى زەرتتەلگەن.

ونىڭ ىشىندە وڭ 1866 (22%), ونىڭ ىشىندە پاراتۇماۋ – 178 (9,5%), رس ۆيرۋسى – 433 (23,2%), مەتاپنەۆموۆيرۋس – 30 (1,6%), رينوۆيرۋس – 680 (36,4%), بوكاۆيرۋس – 113 (6,1%), ادەنوۆيرۋس – 226 (12,1%), كوروناۆيرۋس – 206 (11,1%).

مەتاپنەۆموۆيرۋس نەگىزىنەن اۋا تامشىلارى ارقىلى جانە از جاعدايدا تۇرمىستىق بايلانىس ارقىلى بەرىلەدى. ينفەكتسيانىڭ نەگىزگى بەلگىلەرى - جوتەل، مۇرىننان سۋ اعۋ، ەنتىگۋ، تىرىسۋ، باس اۋرۋى. ناقتى ەمدەۋ جوق، سيمپتوماتيكالىق ەمدەۋ قولدانىلادى.

قازىرگى ۋاقىتتا قازاقستاندا، بۇكىل الەم سياقتى، جرۆي جانە تۇماۋمەن سىرقاتتانۋشىلىقتىڭ ماۋسىمدىق ءوسۋى تىركەلۋدە.

ەپيدەميولوگيالىق ماۋسىمنىڭ باسىنان باستاپ، اعىمداعى جىلدىڭ 1 قازانىنان باستاپ رەسپۋبليكادا جرۆي-ءدىڭ 2 002 335 جاعدايى جانە زەرتحانالىق راستالعان تۇماۋدىڭ 941 جاعدايى، ونىڭ ىشىندە ا(H1N1) ءتيپتى تۇماۋدىڭ 910 جاعدايى، ا(H3N2)-1 جاعدايى، مەتاپنەۆموۆيرۋس تۇماۋىنىڭ 30 فاكتىسى تىركەلدى.

دەنساۋلىق ساقتاۋ مينيسترلىگى حالىقتى پروفيلاكتيكا شارالارىن ساقتاۋعا جانە ادامدار كوپ جينالاتىن جەرلەردە بايلانىستاردى شەكتەۋگە شاقىرادى، بۇل اسىرەسە سوزىلمالى اۋرۋلارى بار ەڭ وسال پاتسيەنتتەرگە قاتىستى.

تۇماۋ مەن جرۆي-دىڭ پروفيلاكتيكا شارالارى:

- ادامدار كوپ جينالاتىن ورىندارعا، اسىرەسە جابىق ءۇي-جايلارعا بارۋدى شەكتەۋ;

- ءۇي-جايلاردى ۇنەمى جەلدەتۋ;

- قولدى تازارتۋ ءۇشىن انتيسەپتيكتەردى نەمەسە دەزينفەكتسيالىق مايلىقتاردى قولدانۋ;

- اۋرۋ ادامدارمەن بايلانىسىن شەكتەۋ، ولاردىڭ وقشاۋلانۋىن قامتاماسىز ەتۋ;

- تۇماۋ جانە جرۆي بەلگىلەرى پايدا بولعان كەزدە بالالاردى ۇيدە قالدىرۋ جانە ۇيىمداسقان ۇجىمدارعا (مەكتەپكە دەيىنگى ۇيىمدارعا، مەكتەپتەرگە) جىبەرمەۋ;

- اۋرۋ بەلگىلەرى پايدا بولعان كەزدە دەر كەزىندە مەديتسينالىق كومەككە جۇگىنۋ.

ىندەت قازاقستاندا دا تىركەلگەن

بۇل ينفەكتسيا بىرنەشە ەلدە، سونىڭ ىشىندە قازاقستاندا دا انىقتالعانى حابارلاندى. قر دەنساۋلىق ساقتاۋ مينيسترلىگى قازاقستاندا 30 ادام اتالعان ىندەتتى جۇقتىرعانىن ايتتى.

Abai.kz