Әл-Фараби атындағы Қазақ ұлттық университетінің Заң факультеті – Қазақстанның құқықтық білім беру саласында ерекше орын алатын, жоғары деңгейдегі кәсіби мамандарды дайындайтын беделді білім беру орталығы. 

70 жылдық  тарихы бар факультетіміз қазіргі таңда заң саласының үздіктерін дайындауда. Заң факультеті көптеген жылдар бойы елдің құқықтық жүйесінің дамуына, білікті заңгерлер мен құқық саласының көшбасшыларын даярлауға айтарлықтай үлес қосып келеді. Заң факультеті  университет құрылған кезде ашылған және Қазақстанның заңгерлерді даярлайтын алғашқы жоғары оқу орындарының бірі болды. Факультет еліміздің құқықтық жүйесі мен заң ғылымдарының қалыптасу тарихымен тығыз байланысты. Мұнда көптеген ғалымдар, саясаткерлер, судьялар және адвокаттар білім алып, еліміздің түрлі салаларында табысты еңбек етіп жүр. Заң факультеті Қазақстанның құқықтық білім беру стандарттарына сай келетін заманауи және жан-жақты білім беру бағдарламаларын ұсынады. Олардың қатарында:

1. Бакалавриат:

• Құқықтану;
• Халықаралық құқық;
• Экологиялық құқық.

2. Магистратура:

• Азаматтық құқық;
• Қылмыстық құқық;
• Сот сараптамасы;
• Құқықтық саясат және басқару.

3. Докторантура (PhD):

Факультеттің негізгі артықшылықтарына тоқталып өтсек:елімізге белгілі заңгерлер, ғалымдар, тәжірибелі құқық қорғау саласының мамандары жұмыс істейді. Олардың көбі халықаралық деңгейде танылған.Факультет әлемнің жетекші университеттерімен әріптестік орнатқан. Бұл студенттерге халықаралық алмасу бағдарламаларына қатысуға, шетелдік тәжірибеден өтуге және қос диплом алуға мүмкіндік береді.Факультетте студенттердің теориялық білімдерін практикада қолдану мүмкіндігіне ерекше көңіл бөлінеді. Олар заң клиникаларында, сот органдарында, прокуратура мен адвокатурада тәжірибеден өтеді.Факультетте студенттер мен оқытушылардың ғылыми-зерттеу жұмыстарымен айналысуы үшін барлық жағдай жасалған.

Олар құқық саласындағы өзекті мәселелерді зерттеп, өз идеяларын жариялауға мүмкіндік алады.Факультет түлектері Қазақстанның сот, құқық қорғау, мемлекеттік басқару және халықаралық ұйымдарында жоғары лауазымдарға қол жеткізген. Олар елдегі құқықтық жүйенің тиімділігін арттыруға және қоғамның құқықтық мәдениетін дамытуға белсенді қатысады.Заманауи талаптарға сай факультетіміз құқықтық білім беруді одан әрі жетілдіруді, халықаралық деңгейде бәсекеге қабілетті мамандар даярлауды және құқықтық ғылымды дамытуға үлес қосуды жалғастырады.

Заң факультеті – Қазақстандағы ең беделді заң оқу орындарының бірі ғана емес, құқықтық ғылым мен практиканы дамытудағы маңызды орталық. Бұл факультеттің түлектері елдің құқықтық жүйесін нығайтып, әділетті және заңға негізделген қоғам құруға үлес қосып келеді. Жоғары деңгейлі білім алуды мақсат еткен болашақ заңгерлер үшін бұл факультет ең дұрыс таңдау бола алады.

Усеинова К.Р.

әл-Фараби атындағы Қазақ ұлттық университетінің заң факультеті Мемлекет және құқық теориясы мен тарихы,конституциялық және әкімшілік құқық кафедрасының меңгерушісі, з.ғ.к.

Abai.kz