Үкімет отырысында Премьер-министр Олжас Бектенов Президенттің Ұлттық құрылтайда Солтүстік Арал теңізін сақтау және халықаралық су ынтымақтастығын дамытуды одан әрі ілгерілету шараларына қатысты алға қойған міндеттеріне ерекше тоқталды.

— Арал теңізінің мәселелері Мемлекет басшысының тұрақты назарында. Су ресурстары министрлігі осы жылдың 30 маусымына дейін Солтүстік Арал теңізін сақтаудың екінші кезеңін дайындауды аяқтап, жыл соңына дейін қаржыландыру мәселесін, оның ішінде халықаралық ұйымдар есебінен қаржыландыруды шешуі қажет. Мемлекет басшысының Біріккен Ұлттар Ұйымының алаңында Халықаралық су ұйымын құруға қатысты бастамасын одан әрі ілгерілету жөнінде шаралар қабылдау қажет. Су ресурстары министрлігі Энергетика министрлігімен бірлесіп, биыл Қазақстанның су-энергетикалық ресурстары картасын әзірлесін, — деп атап өтті Олжас Бектенов.

Abai.kz