Ақмола облысы: Ірі су қоймалары 100% толды
Ақмола облысында көктемгі су тасқынының шарықтау кезеңі аяқталды. Соның нәтижесінде өңірдегі ірі су қоймалары 100%-ға толды. Бұл туралы ҚР Су ресурстары және ирригация министрлігі хабарлады.
Қазір су қоймаларында жалпы 670 млн текше метр су жиналды. Атап айтқанда, Астана су қоймасында 412,82 млн текше метр, Сілетіде 230 млн текше метр, ал Шағалалыда 28 млн текше метр су бар.
Биыл Ақмола облысының ірі өзендері бассейндерінде көктемгі су тасқыны наурыз айының үшінші онкүндігінде басталған болатын.
Abai.kz
