80 мың теңге де алмайтын сайлаушылары әспеттеп Мәжіліске қонақтатқан Мәжіліс депутаты Бақытжан Базарбек журналистерге өзінің депутаттық жалақысы «900 мың теңгемен» жетіспейтінін айтыағ журналистерге мұңын шақты.

Депутат бұл сөз сыңайын БАҚ өкілдеріне бағаның өсуімен, балаларға жұмсалатын шығындармен және отбасылық міндеттемелермен түсіндірді. Оның айтуынша, кейбір депутаттардың бес-алты баласы бар, ал балабақшаға, секцияларға, киім-кешекке және аяқ киімге кететін шығын бірнеше жүз мың теңгеге дейін жетуі мүмкін.

"Кейбір депутаттарымыздың бес-алты баласы бар. Баланы балабақшаға немесе секцияларға апару, киіндіру, киіндіру үшін 300 мың жұмсалады. Ал азық-түлік бағасын ескерсек, олар өсіп келеді және миллионға жетпейді. Мысалы, мен 900 мыңға жуық ақша аламын - маған мұндай сома жетпейді", - деп мәлімдеді Базарбек.

Депутаттың пікірінше, алдағы жылдары парламентарийлердің жалақысын көтеру мәселесі көтерілмейді. Оның айтуынша, қазіргі экономикалық жағдайда мұндай шешім «тым ақылға сыйымсыз» болар еді.

«Алдағы бес жылда бұл мәселе көтерілмейді деп ойлаймын», - деді ол.

Осылайша, халық табысын талқылау аясында парламентарий 900 мың теңгеден жоғары табыстың өзі отбасылық шығыстарды жаппайтынын мойындады. Депутаттың айтуынша, шығу жолы қарапайым болды: ол «жұбайынан да жұмыс істеуін сұрады».

Айта кетейік, екі күн бұрын жарияланған Ұлттық статистика бюросының соңғы деректері бойынша Қазақстандағы орташа атаулы жалақы 2026 жылдың І тоқсанында 461 486 теңгені құрады. Орташа жалақы, яғни қызметкерлердің табыс деңгейін жақын көрсететін көрсеткіш - 331 527 теңгені құрады. Нақты мәнде жалақы бір жылда 2,3% -ға төмендеді.

Қазақ бұндай жанға "Атаңның басына ай қарап отырсың ба?" дейді. Бағаның өсуімен күресудің алдын алудың орнына зарлауды ғана білетін бұндай халық қалауларынан қалың бұқараға не қайыр!?

Abai.kz