«Құдай сауыты 4: Ультиматум» (Доспехи бога 4: Ультиматум) фильмінің алғашқы кадрлары Маңғыстаудың табиғи ландшафтында түсіріліп үлгерді. Туынды 2027 жылдың қысында прокатқа шығады деп күтілуде.

Маңғыстау облысы әкімдігінің мәліметінше, фильмнің негізгі локацияларының бірі Бозжыра шатқалы болды. 35 адамнан тұратын түсірілім тобы бұл жерде 7-12 маусым аралығында жұмыс істеді. Түсірілім жұмыстарын осы жылдың соңына дейін аяқтау жоспарланып отыр, ал фильм үлкен экрандарға 2027 жылдың ақпанында жол тартады.

Билік өкілдері бұл жобаны тек отандық киноиндустрия үшін ғана емес, сонымен бірге елді халықаралық туризм аренасында танытуға және өңірдің инвестициялық тартымдылығын арттыруға септігін тигізетін маңызды оқиға деп есептейді.

Бұған дейін біз Қаскелеңде жаңа фильмнің сахналары түсірілетін арнайы павильонның құрылысы басталғаны туралы жазған болатынбыз.

Abai.kz