«قۇداي ساۋىتى 4: ۋلتيماتۋم» (دوسپەحي بوگا 4: ۋلتيماتۋم) ءفيلمىنىڭ العاشقى كادرلارى ماڭعىستاۋدىڭ تابيعي لاندشافتىندا ءتۇسىرىلىپ ۇلگەردى. تۋىندى 2027 جىلدىڭ قىسىندا پروكاتقا شىعادى دەپ كۇتىلۋدە.

ماڭعىستاۋ وبلىسى اكىمدىگىنىڭ مالىمەتىنشە، ءفيلمنىڭ نەگىزگى لوكاتسيالارىنىڭ ءبىرى بوزجىرا شاتقالى بولدى. 35 ادامنان تۇراتىن ءتۇسىرىلىم توبى بۇل جەردە 7-12 ماۋسىم ارالىعىندا جۇمىس ىستەدى. ءتۇسىرىلىم جۇمىستارىن وسى جىلدىڭ سوڭىنا دەيىن اياقتاۋ جوسپارلانىپ وتىر، ال فيلم ۇلكەن ەكراندارعا 2027 جىلدىڭ اقپانىندا جول تارتادى.

بيلىك وكىلدەرى بۇل جوبانى تەك وتاندىق كينويندۋستريا ءۇشىن عانا ەمەس، سونىمەن بىرگە ەلدى حالىقارالىق تۋريزم ارەناسىندا تانىتۋعا جانە ءوڭىردىڭ ينۆەستيتسيالىق تارتىمدىلىعىن ارتتىرۋعا سەپتىگىن تيگىزەتىن ماڭىزدى وقيعا دەپ ەسەپتەيدى.

بۇعان دەيىن ءبىز قاسكەلەڭدە جاڭا ءفيلمنىڭ ساحنالارى تۇسىرىلەتىن ارنايى پاۆيلوننىڭ قۇرىلىسى باستالعانى تۋرالى جازعان بولاتىنبىز.

Abai.kz